ދުނިޔޭގެ 5 ވަނަ އަށް އެންމެ ބޮޑު އޭވިއޭޝަން މާކެޓަކަށް އިންޑިއާ މާކެޓް ވެއްޖެއެވެ.
އިންޓަނޭޝަނަލް އެއަރ ޓްރާންސްޕޯޓް އެސޯސިއޭޝަން (އަޔާޓާ) އިން ނެރުނު ބައިނަލްއަޤްވާމީ ވައިގެ ދަތުރުފަތުރުގެ ތަފާސްހިސާބުތައް ދައްކާ ގޮތުން މިދިޔަ އަހަރު އިންޑިއާއިން ވަނީ 241 މިލިއަން ފަސިންޖަރުންނަށް ޚިދުމަތް ދީފައެވެ. އަދި ދިއްލީ – މުމްބާއީ ރޫޓް ވެފައިވަނީ ދުނިޔޭގެ 7 ވަނަ އަށް އެންމެ ބާރުބޮޑު ސެކްޓަރ އަށެވެ. ދިއްލީއާއި މުމްބާއީއާއި ދެމެދު 2024 ވަނަ އަހަރު 5.9 މިލިއަން ފަސިންޖަރުން ވައިގެ މަގުން ދަތުރުކޮށްފައިވެއެވެ.
2023 ވަނަ އަހަރުން 2024 ވަނަ އަހަރަށް، އިންޑިއާގެ ފަސިންޖަރުންގެ އަދަދު ވަނީ 11.1 އިންސައްތަ އިތުރުވެފައެވެ.
އޭޝިއާ ޕެސިފިކް ސަރަހައްދު ވެފައިވަނީ އެންމެ ބާރު ދުވެލީގައި ކުރިއަރަމުން އަންނަ ވައިގެ ދަތުރުފަތުރުގެ މާކެޓަށެވެ.
ދުނިޔޭގެ އެންމެ ބޮޑު އޭވިއޭޝަން މާކެޓަކީ 876 މިލިއަން ފަސިންޖަރުންނާއެކު އަދިވެސް އެމެރިކާއެވެ.
Advertisement
This content is created and paid for by advertisers and does not involve Voice Journalists
