ކުރީގެ ރައީސް އަބްދުﷲ ޔާމީންގެ ޕީޕަލްސް ނެޝަނަލް ފްރަންޓް (ޕީއެންއެފް) އިން އާޓިފިޝަލް ބީޗުގައި ޖަލްސާއެއް ބާއްވަން ނިންމާ އެކަމުގެ ތައްޔާރީތައް ފަށައިފި އެވެ.
އެ ޕާޓީން މި ޖަލްސާ ބާއްވަނީ "ވޭކް އަޕް" ނަމުގަ އެވެ. އެ ޖަލްސާއާ ގުޅޭ ތަފްސީލް ހާމަކުރަން މާދަމާ ނޫސްވެރީންގެ ބައްދަލްވުމެއް ވެސް ބާއްވަން ވަނީ ނިންމާފަ އެެވެ. އަންނަ ބުރާސްފަތި ދުވަހުގެ ރޭ ބާއްވާ މި ޖަލްސާ އަކީ އެ ޕާޓީން ބާއްވާ ފުރަތަމަ ބޮޑު ޖަލްސާ އެވެ.
އެހެން ނަމަވެސް ސިޔާސީ މައިދާނުގައި މިވަގުތުވެސް އެންމެ ހަރަކާތްތެރި އެއް ޕާޓީއަކީ ޕީއެންއެފް އެވެ. އެ ޕާޓީން ދަނީ ކޮންމެ ހަފްތާއަކު ވެސް ފްރަންޓް އޮފީހުގައި ޖަލްސާ ބާއްވަމުންނެވެ. އެ ޖަލްސާތަކުގައި ކުރީގެ ރައީސް ޔާމީން ވެސް ބައިވެރިވެވަޑައިގަންނަވާ ވާހަކަފުޅު ދައްކަވަ އެވެ.
ބުރާސްފަތި ދުވަހުގެ ރޭގެ ޖަލްސާގައި ރައީސް ޔާމީން ވެސް ބައިވެރިވެވަޑައިގަންނަވަ އެވެ.
ޔާމީން ގެންދަނީ މި ސަރުކާރާއި އިދިކޮޅު އެމްޑީޕީއަށް ވަރަށް ބޮޑަށް ފާޑު ވިދާޅުވަމުންނެވެ.
Advertisement
This content is created and paid for by advertisers and does not involve Voice Journalists
