ތޮއްޑޫ މާސްޓާސް ޓޭބަލް ޓެނިސް މުބާރާތް، ރައީސް ޝަރަފުވެރިކޮށް ދެއްވައިފި
ތޮއްޑޫ މާސްޓާސް ޓޭބަލްޓެނިސް މުބާރާތް ފެށުމުގެ ރަސްމިއްޔާތު, ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޝަރަފުވެރިކޮށް ދެއްވައިފި އެވެ.
އެ މަނިކުފާނު މި މުބާރާތް ފެށުމުގެ ރަސްމިއްޔާތު ޝަރަފުވެރިކޮށްދެއްވީ އަރިއަތޮޅު އުތުރުބުރީގެ މީހުން ދިރިއުޅޭ ރަށްރަށަށް މިހާރު ކުރައްވަމުން ގެންދަވާ ދަތުރުފުޅުގައި، މިއަދު ތޮއްޑޫއަށް ކުރެއްވި ޒިޔާރަތުގަ އެވެ.
މި ރަސްމިއްޔާތުގައި ތޮއްޑޫ ސްކޫލްގެ ދަރިވަރުންގެ ސަގާފީ އައިޓަމެއް ހުށައަޅައިދީފައިވެ އެވެ. އަދި ރަސްމިއްޔާތުގައި މި މުބާރާތް ރޭވުމުގައި އެހީތެރިކަން ފޯރުކޮށްދެއްވި އެކިއެކި ފަރާތްތަކަށް އެކަމުގެ އަގުވަޒަންކުރުމުގެ ގޮތުން ހަނދާނީ ފިލާ ދެއްވާފައިވެއެވެ. މީގެ އިތުރުން މި ޖަލްސާގައި ޝުކުރުގެ އެވޯޑެއް އެމްބެސެޑާ އަހްމަދު ލަތީފަށް އަރުވާފައިވެ އެވެ.
ތޮއްޑޫ މާސްޓާސް ޓޭބަލް ޓެނިސް މުބާރާތް ރަސްމީކޮށް ފައްޓަވައިދެއްވީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއެވެ. މިއީ ތޮއްޑޫގައި ބައިނަލްއަގްވާމީ މިފަދަ މުބާރާތެއް ބާއްވާ ފުރަތަމަ ފަހަރެވެ. މި މުބާރާތުގައި ގައުމީ، ސަރަހައްދީ އަދި ބައިނަލްއަގްވާމީ މައިދާނުގައި ވަނަތައް ހޯދާފައިވާ އެކިއެކި ކުޅުންތެރިން ވާދަކުރެ އެވެ.
Advertisement
This content is created and paid for by advertisers and does not involve Voice Journalists
