އަލުން ތަރައްގީ ކުރަން ސަލްޓަން ޕާކު ތިން މަހަށް ބަންދުކޮށްފި އެވެ.

ކޮންސްޓްރަކްޝަން މިނިސްޓްރީން ވަނީ އެކަން އިއުލާނުކޮށްފަ އެވެ. އެ މިނިސްޓްރީން މިރޭ ބުނީ ސަލްޓަން ޕާކު އަލުން ތަރައްގީ ކުރުމުގެ މަޝްރޫއުގެ އަމަލީ މަސައްކަތް ފެށިފައިވާ ކަމަށެވެ.

އެހެން ކަމުން މިއަދުން ފެށިގެން ތިން މަހުގެ މުއްދަތަކަށް ސަލްޓަން ޕާކު ބަންދުކޮށްފައިވާ ކަމަށެވެ.

އަލުން ތަރައްގީ ކުރަން ސަލްޓަން ޕާކު ތިން މަހަށް ބަންދުކޮށްފައިވާކަން ކޮންސްޓްރަކްޝަން މިނިސްޓްރީން އިއުލާނުކުރީ އެތަން ތަރައްގީ ކޮށްދޭނެ ބަޔަކު ހޯދަން މާލެ ސިޓީ ކައުންސިލުން އިއުލާނު ކޮށްފައިވަނިކޮށެވެ.

ކުރީގެ ރައީސް ޔާމީންގެ ސަރުކާރުގައި ވަރަށް ބޮޑަށް ތަރައްގީކުރި އެ ޕާކު މިހާރު ވަނީ އަލުން މަރާމާތު ކުރަން ޖެހިފަ އެވެ.