އެމްޑީޕީގެ ޗެއާޕާސަންގެ މަގާމަށް ވާދަކުރައްވާނެ ކަމަށް އެ މަގާމު ކުރީން ފުުރުއްވި މޫސަ މަނިކު (ރީކޯ) ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި މޫސަ ވިދާޅުވީ ގާނޫނު އަސާސީން ރައްޔިތުންނަށް ލިބުނު ހުރިހާ ހައްގުތަކެއް ގެއްލިގެން ދާއިރު ބަލަން ނުތިބެ އަމަލީ ގޮތުން މަސައްކަތް ކުރުމަށާއި އެމްޑީޕީ ހަރަކާތްތެރި ކުރުވުމަށް ބޭނުންވާތީ އަނެއްކާވެސް އެ ޕާޓީގެ ޗެއާޕާސާންގެ މަގާމަށް ކުރިމަތިލާން ނިންމާފައިވާ ކަމަށެވެ.
މޫސަ ވިދާޅުވި ގޮތުގައި ގާނޫނު އަސާސީއިން ހައްގުތައް ހޯދުމަށް މަސައްކަތް ނުކުރާ ބަޔަކަށް ހައްގެއް ގެއްލުމަކުން އަސަރެއް ނުކުރާނެ އެވެ.
އެމްޑީޕީގެ ޗެއާޕާސަންގެ މަގާމަށް ވާދަކުރައްވާނެ ކަމަށް އެ މަގާމު ކުރީން ފުުރުއްވި މޫސަ މަނިކު ވިދާޅުވި ނަމަވެސް އެ ޕާޓީން އަދި އިންތިހާބަކަށް ގޮވައެއް ނުލަ އެވެ. އަދި އެ މިހާރު އޮތީ އެ ޕާޓީގެ ރައީސާއި ޗެއާޕާސަންގެ މަގާމު އެއްކޮށްލައި، އެ ޕާޓީ ހިންގުމާ ގުޅޭ އަސާސީ ގަވާއިދަށް ބޮޑެތި ބަދަލުތަކެއް ގެންނަން ނިންމާފައެވެ.
Advertisement
This content is created and paid for by advertisers and does not involve Voice Journalists
