ބޮޑުތަކުރުފާނުމަގު އުތުރު ފަރާތުން މަގު ފުޅާކޮށް ތަރައްގީ ކުރުމުގެ މަޝްރޫއުގެ އަމަލީ މަސައްކަތް މިއަދު ރަސްމީކޮށްފަށައިފި އެވެ.

އެމްއެމްއޭ ކުރިމަތީ އޮތް ހާއްސަ ރަސްމިއްޔާތެއްގައި މި މަސައްކަތް ފައްޓަަވައި ދެއްވީ މިނިސްޓާ އޮފް ކޮންސްޓްރަކްޝަން ހައުސިން އެންޑް އިންފްރާސްޓްރަކްޗާ ޑރ. އަބްދުالله މުއްޠަލިބް އެވެ.

ބޭރުމަގު ފުޅާކުރުމުގެ މަސައްކަތް ފެށުން --

މި މަޝްރޫއަކީ ދިވެހި ދައުލަތުގެ ބަޖެޓުން ހަރަދުކޮށްގެން، މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީއާ ހަވާލުކޮށްފައިވާ މަޝްރޫއު އެކެވެ.

އެ ކުންފުންޏަށް މި މަސައްކަތް ހަވާލުކޮށްފައި ވަނީ 144,509,024.16 ރުފިޔާ އަށެވެ. މި މަސައްކަތް 455 ދުވަސްތެރޭ ނިންމަން ޖެހެ އެވެ.

ބޭރުމަގު ފުޅާކުރުމުގެ މަސައްކަތް ފެށުން --

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ ބޮޑުތަކުރުފާނުމަގު އުތުރުފަރާތުން ފުޅާކޮށް ހަތަރު ލޭންއަށް މަގުހެދުމާއި 830 މީޓަރުގެ މަގުގައި ތާރު އެޅުމެވެ.

މީގެ އިތުރުން ހުޅާމެލެ ފެރީޓާމިނަލް އިން ފެށިގެން ލޯކަލް މާރުކޭޓާއި ހަމައަށް ދުވާރުތައް ހަދާނެ އެވެ. އަދި ފެން ހިންދާ ނިޒާމު ގާއިމުކުުރުމާއި ރޯޑް މާކިން އަދި ސައިން ބޯޑްތައް ހަރުކުރާނެ އެވެ.