ފަޅު ބަންދުކުރުމުން ފެރީތަކަށް އިތުރު ދެ ސަރަހައްދެއް
މާލޭ އުތުރުފަރާތުގެ ލޯކަލް މާރުކޭޓުގެ އިރުމަތީ ތޮއްޓާއި އެއްގަމުތޮށި މަރާމާތުގެ މަސައްކަތް ކުރަމުން ދާތީ އެ ސަރަހައްދުން ހިދުމަތް ހޯދަމުންދިޔަ ދުވަހު ފެރީތަކަށް އިތުރު ދެ ސަރަހައްދެއް ހަމަޖައްސައިފި އެވެ.
މޯލްޑިވްސް ޕޯޓްސް ލިމިޓެޑް އިން ބުނީ މާލޭ އުތުރުފަރާތުގެ ލޯކަލް މާރުކޭޓުގެ އިރުމަތީ ތޮއްޓާއި އެއްގަމުތޮށި މަރާމާތުކުރަން ފެށުމާއި ގުޅިގެން އެ ސަރަހައްދުން ހިދުމަތް ހޯދަމުންދިޔަ ދުވަހު ފެރީތަކަށް ހުއްޓުމެއްނެތި ހިދުމަތް ދިނުމަށްޓަކައި އެމްޕީއެލް އިން ވަނީ އިތުރު ދެ ސަރަހައްދެއް ހަމަޖައްސާފައި ކަމަށެވެ.
އެހެން ކަމުން އުތުރު ފަރާތުގެ ތޮށިތައް މަރާމާތުގެ މަސައްކަތް ނިމެންދެން 20 އޮގަސްޓުން ފެށިގެން 19 ނޮވެމްބަރުގެ ދުވަހުގެ ނިޔަލަށް ތިން މަސް ދުވަހަށް އެމްޕީއެލްގެ ނޯތު ހާބަރުންނާއި ސައުތުވެސްޓް ހާބަރު (ޓީ ޖެޓީ) ން އެ ހިދުމަތް ލިބޭނެ ކަމަށެވެ.
މި ތިން މަސް ދުވަސް ހަމަވެ މަރާމަތުގެ މަސައްކަތް ނިމުމުން މި ދެ ހާބަރުން ހިދުމަތް ހޯދަން ބޭނުންވާ ފަރާތްތަކަށް މި ދެ ހާބަރު ހިންގުމުގެ އުސޫލުގައިވާ ގޮތަށް ހިދުމަތްދޭނެ ކަމަށްވެސް ބުނެފައިވެ އެވެ.
ބޮޑުތަކުރުފާނުމަގު އުތުރު ފަރާތުން މަގު ފުޅާކޮށް ތަރައްގީ ކުރުމުގެ މަޝްރޫއުގެ އަމަލީ މަސައްކަތް މިއަދު ރަސްމީކޮށް ވަނީ ފަށާފަ އެވެ.
Advertisement
This content is created and paid for by advertisers and does not involve Voice Journalists
