ބޭންކް އޮފް މޯލްޑިވްސްގެ އެހީއާއެކު ވޭމަންޑޫ ސްކޫލްގައި ސެން ކްލާހެއް ގާއިމްކޮށްފި
ބޭންކް އޮފް މޯލްޑިވްސްގެ ބޭންކް ފަންޑުގެ އެހީގައި ތ.ވޭމަންޑޫ ސްކޫލްގައި ސްޕެޝަލް އެޑިއުކޭޝަން ނީޑް (ސެން) ދަރިވަރުންނަށް ހާއްސަކޮށްގެން ސެންސަރީ އަދި ވޮކޭޝަނަލް ކުލާސްރޫމެއް ގާއިމްކޮށްފިއެވެ.
ބީއެމްއެލުން ބުނީ މިއީ އެ ބޭންކްގެ އެހީލިބުނު ވޭމަންޑޫ ޒުވާނުންގެ ގުޅުމުން ހިންގި މަޝްރޫޢުއެއް ކަމަށެވެ.ބީއެމްއެލުން ބުނީ، މި ކްލާސް ތައްޔާރުކޮށްފައި ވަނީ ދަރިވަރުންގެ ގާބިލުކަން އިތުރުކުރުމާއި، އެހެން މިހުންނާ ގުޅިގެން މުޖުތަމައުގައި ހަރަކާތްތެރިވުމަށް ބޭނުންވާ ހުނަރު ތަރައްގީ ކުރުމާއި އެ ކުދިންގެ ތައުލީމީ ބޭނުންތަކަށް ބަލައިގެން ކަމަށެވެ.
ވޭމަންޑޫ ސްކޫލުން ބުނީ އެ ސްކޫލުގެ އަމާޒަކީ އަމާޒަކީ މި ކްލާހުގައި ތައުލީމު ހާސިލުކުރާ ދަރިވަރުންނަށް ކެއްކުމާއި ފެހުން ފަދަ ދިރިއުޅުމުގެ ހުނަރުތައް ދަސްކޮށްދިނުމަށް ކްލާސްރޫމުގެ ޚިދުމަތްތައް އިތުރަށް ފުޅާކުރުންކަމަށެވެ.
ބީއެމްއެލްގެ އެހީއާއެކު ގާއިމްކުރި ސެންކްލާހުގެ ބައެއް... ފޮޓޯ: ބީއެމްއެލް
ވޭމަންޑޫ ޒުވާނުންގެ ގުޅުމުގެ ރައީސް އަޙްމަދު ޝައުގަތު ވިދާޅުވީ މި މަޝްރޫއުގެ މަޤްސަދަކީ އުގެނުމުގައި ހާއްޞަ އެހީއަށް ބޭނުންވާ ދަރިވަރުންނަށް ހާއްޞަކުރެވޭ ކުލާހަކުން ތަފާތު ހަރަކާތްތައް ހިންގޭނެ ގޮތެއް ފަހިކޮށްދިނުން ކަމަށެވެ.
ބީއެމްއެލްގެ އެހީގައި މި އަހަރުގެ މިހާތަނަށް ވަނީ، ދެ ސްކޫލެއްގެ ސެން ކްލާސްތައް ތަރައްގީކޮށްފައެވެ. އޭގެ ތެރޭގައި ހުޅުމާލޭގައި ހުންނަ ޞަލާޙުއްދީން ސްކޫލާއި ހިރިޔާ ސްކޫލް ހިމެނެއެވެ. މި ދެ މަޝްރޫއިން 200 އަށްވުރެ ގިނަ ދަރިވަރުންގެ އުނގެނުމުގެ މާހައުލު ތަރައްގީކޮށް، ވަސީލަތްތައް ފަހިކޮށްދީފައިވާކަމަށް ބީއެމްއެލުން ބުނެއެވެ. ބީއެމްއެލުން ވަނީ ވޭތުވެ ދިޔަ 5 އަހަރު ތެރޭގައި، ރާއްޖޭގެ އެކި ކަންކޮޅުތަކުގައިވާ 40 ސްކޫލެއްގެ ސެން ކްލާސްތަކަށް ބޭނުންވާ އާލާތްތައް ހަދިޔާކޮށްފައެވެ.
Advertisement
This content is created and paid for by advertisers and does not involve Voice Journalists
