ރާއްޖޭގެ އެންމެ ދެކުނުގެ ހިސާބުތަކަށް މޫސުން ގޯސްވާނޭކަމަށް ލަފާކޮށް މޫސުމާ ބެހޭޢ ޤައުމީ އިދާރާއިން ޔެލޯ އެލާޓް ނެރެފިއެވެ.
މެޓް އޮފީހުން އައްޑޫސިޓީއަށް ޔެލޯ އެލާޓް ނެރެފައިވަނީ، މިއަދު ހެނދުނު 07:45 ކުން ފެށިގެން 10:45 ގެ ނިޔަލަށެވެ. އެލާޓް ނެރެފައިވާ ގަޑިތަކުގައި ބޯކޮށް ވާރޭވެހުމާއެކު ގުރުރާނޭކަމަށް ވަނީ ލަފާކޮށްފައެވެ.
މެޓް އޮފީހުން އައްޑޫސިޓީއަށް ޔެލޯ އެލާޓް ނެރެފައިވާއިރު، މިދުަވަސްކޮޅު އާއްމުގޮތެއްގައި މޫސުން ރަނގަޅެވެ. ނަމަވެސް ބައެއް ދުަވސްދުވަހު ވިއްސާރަވެ، ކަނޑުތައް ގަދައެވެ.
އިއްޔެ މި ފެށުނީ ހުޅަނގު މޫސުމުގެ 11 ވަނަ ނަކަތް ކަމަށްވާ "ފުރަ"ނަކަތެވެ. މި ނަކަތުގައި ދޭތެރެދޭތެރެއިން ވިއްސާރަކުރާނޭކަމަށް ނަކަތް ދަންނަ މީހުން ބުނެއެވެ. އެގޮތުން މި ނަކަތާއެކު ހުޅަނގު މޫސުމުގެ އެންމެ ގަދަ ދުވަސްތައް ނިމުމަކަށް އަންނައިރު، ވައިޖެހޭނީ ޢާންމުކޮށް ހުޅަނގު އުތުރުންނެވެ.
މި ނަކަތުގައި ރާއްޖޭގެ މަސްވެރިކަން އާދައިގެ ގޮތެއްގައި ރަނގަޅަށް ހުންނައިރު، ޢާންމުގޮތެއްގައި މަސްއައިންތައް ފެންނާނީ އަތޮޅުތަކާ ދުރުން މާކަނޑުންކަމަށް އިހުގެ ނަކަތްތެރިން ބުނެއުޅެއެވެ.
Advertisement
This content is created and paid for by advertisers and does not involve Voice Journalists
