ހދ.ނައިވާދޫގައި ބޭންކް އޮފް މޯލްޑިވްސްއިން ބެހެއްޓި އޭޓީއެމްގެ ހިދުމަތް މިއަދު ރަސްމީކޮށްދޭން ފަށައިފިއެވެ.
ނައިވާދޫގައި ބީއެމްއެލުން ބެހެއްޓި އޭޓީއެމްގެ ހިދުމަތް ރަސްަމީކޮށް ފައްޓަވައިދެއްވީ، ރައީސުލްޖުމްހޫރިއްޔާ ޑރ.މުހައްމަދު މުއިއްޒެވެ. އޭޓީއެމް ހުޅުވައިދެއްވުމަށްފަހު ރައީސް ވަނީ ނައިވާދޫ ކައުންސިލްގެ ރައީސް އަލީ ރަޝީދު މުހައްމަދާ ހަނދާނީ ކާޑު ހަވާލުކޮށްދެއްވާފައެވެ.
ބިއެމްއެލުްނ ނާވައިދޫގައި ގާއިމްކޮށްފައިވަނީ ސެލްފް ސާވިސް އޭޓީއެމެކެވެ. މި އޭޓީއެމުން 24 ގަޑިއިރު އަމިއްލަ ފަރުދުންގެ އިތުރުން ވިޔަފާރިތަކަށް ފައިސާ ޖަމާކޮށް ނެގުމުގެ އިންތިޒާމް ލިބެއެވެ. މީގެ އިތުރުންވެސް ބިލަށް ފައިސާ ދެއްކުމާއި ފައިސާ ޓްރާންސްފާ ކުރުމުގެ ހިދުމަތް އެ އޭޓިއެމުން ލިބެއެވެ.
ނާވައިދާގެ އޭޓީއެމް ރައީސް ޑރ.މުއިއްޒު ހުޅުވައިދެއްވުން... ފޮޓޯ: ރައީސް އޮފީސް
ރައީސް އަތޮޅުތެރޭގެ ރަށްތަކަށް މިފަހުން ކުރެއްވި ދަތުރުފުޅުގައި 10 ރަށެއްގައި ބީއެމްއެލްގެ އޭޓީއެމްގެ ހިދުމަތް ފެށިއިރު މީގެ ތެރޭގައި ދެ ރަށެއްގައި ވަނީ ޑޮލަރު އޭޓީއެމް ބަހައްޓާފައެވެ. ޑޮލަރު އޭޓީއެމް ބެހެއްޓި ދެ ރަށަކީ އއ ތޮއްޑޫ އަދި އުކުޅަހެވެ. މިއީ ފުޅާދާއިރާއެއްގައި ފަތުރުވެރިކަމުގެ ވިޔަފާރި ހިންގާ ދެ ރަށެވެ.
ސަރުކާރުގެ އަމާޒަކީ މިއަހަރު މީހުން ދިރިއުޅޭ 100 ރަށުގައި އޭޓީއެމް ބެހެއްޓައި ހިދުމަތް ދިނުމެވެ.
Advertisement
This content is created and paid for by advertisers and does not involve Voice Journalists
