ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިއަދު ރައީސް އޮފީހުން ރަސްމީ ގެކޮޅަށް ވަޑައިގެންނެވި ވަގުތު ހިނގައިގެން ދިޔައީ ހިނގައިގެން ވާނެ ކަމެއް ނޫން ކަމަށް ކުރީގެ ބަންޑާރަ ނާއިބު އައިޝަތު އާޒިމާ ޝަކޫރު ވިދާޅުވެއްޖެ އެވެ.
މީޑިއާ ބިލްގެ މައްސަލާގައި އިއްޔެއާ މިއަދު ރައީސް އޮފީސް ކައިރީ ބައެއް ނޫސްވެރީން ވަނީ އިހްތިޖާޖު ކޮށްފަ އެވެ. ރައީސް މިއަދު ވަނީ އެމްޖޭއޭގެ އިސް މަގާމުތަކުގައި ތިބި ނޫސްވެރީންނާއި ބައްދަލު ކުރައްވާފަ އެވެ.
އެ ބައްދަލްވުމަށް ފަހު މުލިއާގެއަށް ވަޑައިގަންނަވަނިކޮށް ނޫސްވެރީންގެ ވަނީ ރައީސްގެ ފަހަތްޕުޅުން ކަންބޮޑުވުންތައް ހިއްސާކޮށް ސުވާލުތައް ކުރަމުން ގޮސްފަ އެވެ. ނަމަވެސް ކުރީން ނޫސްވެރިކަން ކޮށް މިހާރު ސިޔާސީ ކަންކަމުގައި އުޅޭ ބައެއް މީހުންގެ ފަރާތުން ވަރަށް ދެރަވަރު އަމަލުތައް އެވަގުތު ފެނުނެވެ.
ރައީސް ޔާމީންގެ ވެރިކަމުގައި ރައީސް އޮފީހުގެ މިނިސްޓަރަކަށް ހުންނެވި އަދި އޭގެ ކުރީން ބަންޑާރަ ނާއިބުގެ މަގާމާއި ދައުލަތުގެ ވަރަށް އިސް މަގާމުތަކެއް ފުރުއްވާފައިވާ އާޒިމާ ވަނީ މިއަދު ހިނގާދިޔަ ކަންކަމާއިމެދު ކަންބޮޑުވުން ފާޅުކުރައްވާފަ އެވެ.
އެކަމަނާ ވިދާޅުވީ މަގުމަތީން މިއަދު ފެނިގެންދިޔައީ ހިނގައިގެންވާނެ ކަމެއް ނޫނެވެ. އަދި އެއީ ހިނގިޔަ ދީގެން ވާނެ ކަމެއް ވެސް ނޫން ކަމަށެވެ. އެއީ ހަމައެކަނި އަހްލާގީ މައްސަލައެއް ނޫން ކަމަށާ އެއީ ސަލާމަތާއި ރައްކާތެެރި ކަމުގެ މައްސަލައެއް ކަމަށް ވެސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
