ހއ.އަތޮޅުން ފެށިގެން މ.އަތޮޅާ ހިސާބަށް މޫސުން ގޯސް ވާނޭކަމަށް ލަފާކޮށް، މޯލްޑިވްސް މީޓިއޮލޮޖިކަލް ސެންޓަރުން ވައިޓް އެލާޓް ނެރެފިއެވެ.
މެޓް އޮފީހުން އެ ސަރަހައްދަށް ވައިޓް އެލާޓް ނެރެފައިވަނީ ހެނދުނު 10 އަކުން ފެށިގެން ހަވީރު 4 ޖެހުމާ ހަމަޔަށެވެ. މޫސުމާ ބެހޭ ޤައުމީ އިދާރާއިން ނެރުނު ވައިޓް އެލާޓްގައި ބުނެފައިވަނީ، އެލާޓް ނެރެފައިވާ ވަގުތުތަކުގައި ބޯކޮށް ވާރޭވެހުމާއެކު ގުގުރާނޭކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނޭކަމަށްވެސް ވަނީ ލަފާކޮށްފައެވެ.
މެޓް އޮފީހުން އެންމެފުރަތަމަ ވައިޓް އެލާޓް ނެރެފައިވަނީ އުތުރުގެ އަތޮޅުތަކަށެވެ. ނަމަވެސް ރާއްޖޭގެ ބޮޑު ސަރަހައްދަކަށް މޫސުން ގޯސްވާނޭކަމަށް ލަފާކޮށް ފަހުން ވަނީ ވައިޓް އެލާޓް ނެރެފައެވެ.
ހިނގަމުން މިދަނީ ހުޅަނގު މޫސުމުގެ 11 ވަނަ ނަކަތްކަމަށްވާ ފުރަ ނަކަތެވެ. މި ނަކަތުގައި ދޭތެރެދޭތެރެއިން ވިއްސާރަކުރާނެއެވެ. މި ނަކަތާއެކު ހުޅަނގު މޫސުމުގެ އެންމެ ގަދަ ދުވަސްތައް ނިމުމަކަށް އަންނާނޭކަމަށް އިހުގެ މީހުން ބުނެއުޅެއެވެ.
Advertisement
This content is created and paid for by advertisers and does not involve Voice Journalists
