ނިޝާން މުލީގޭ ޝަރަފުގެ ޢިއްޒަތުގެ ވެރިޔާ މުޙައްމަދު ޢުމަރު މަނިކު އަވަހާރަވުމާއި ގުޅިގެން ކުރީގެ ރައީސް އަބްދުﷲ ޔާމީން އަބްދުލްގައްޔޫމް ތައުޒިޔާ ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ ރާއްޖެއަށް ފަތުރުވެރިކަން ތައާރަފްކޮށް، އެ ސިނާއަތު ކުރިއެރުވުމަށް ގިނަ މަސައްކަތްތަކެއް ކޮށްދެއްވި ނިޝާން މުލީގޭ ޝަރަފުގެ ވެރިޔާ މުޙައްމަދު އުމަރު މަނިކު އަވަހާރަވި ޚަބަރު އެހީ ފުން ހިތާމަޔާއި އެކުގައި ކަމަށެވެ.
ރައީސް ޔާމީންގެ ޕޯސްޓްގައި މަރްޙޫމްގެ ފުރާނަ ޖަންނަތުލް ފިރުދައުސްގައި ލައްވާ އަދި އާއިލާއަށް ކެތްތެރިކަން މިންވަރު ކުރެއްވުން އެދިވަޑައިގެންފައިވެ އެވެ.
ދިވެހި ފަތުރުވެރިކަމުގެ ސިނާއަތުގެ އެއް ބާނީ އަދި ޔުނިވާސަލްގެ ވެރިޔާ، މުހައްމަދު އުމަރު މަނިކު (އެމްޔޫ މަނިކު) އަވަހާރަވީ ސިންގަޕޫރުގެ މައުންޓް އެލިޒަބެތް ހޮސްޕިޓަލުގައި ފަރުވާ ދެމުން ދަނިކޮށެވެ. އެމްޔޫމަނިކް އާލާސްކަންފުޅާ އުޅުއްވާތާ ދުވަސްތަކެއް ވެފައިވާއިރު، ހޮސްޕިޓަލްގައި އެޑްމިޓްކޮށްފައިވަނީ މީގެ މަހެއްހާ ދުވަސްކުރިންނެވެ.
ރާއްޖޭގެ ފަތުރުވެރިކަމުގެ ސިނާއަތް 1972 ވަނަ އަހަރު ވޫޖޫދަށް އާއިރު، އެމްޔޫ މަނިކަކީ އެކަމުގައި އެންމެ އިސްކޮށް ހަރަކާތްތެރިވެ ވަޑައިގެންނެވި އެއްބޭފުޅާއެވެ. އެމްޔޫމަނިކަކީ ކުރިން ދައުލަތުގެ އިސް މަގާމްތަކެއް ފުރުއްވި ބޭފުޅެކެވެ. ނަމަވެސް އުމުރުގެ ބޮޑުބައި މިހާތަނަށް ހޭދަކުރެއްވީ އަމިއްލަ ވިޔަފާރީގައެވެ. އެންމެފަހުން އެމްޔޫމަނިކް އަދާކުރެއްވި ދައުލަތުގެ ވަޒީމާއަކީ އެމްއޭސީއެލްގެ ޗެއާމަންކަމުގެ މަގާމެވެ.
Advertisement
This content is created and paid for by advertisers and does not involve Voice Journalists
