މާމައިންނާއި ކާފައިންނަކީ އިލާހީ ހެޔޮ ރަޙްމަތެއް: ރައީސް
މާމައިންނާއި ކާފައިންނަކީ މާތްﷲ އަހަރެމެންނަށް ދެއްވި ހެޔޮރަހުމަތެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
މިއަދު ފާހަގަކުރަމުންދާ މާމަ ކާފަ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސް ޑރ.މުއިއްޒު ވިދާޅުވީ، ލޯތްބާއި ކުލުނު ޢާއިލާތަކުގައި ދަމަހައްޓައި ދިނުމުގައި މާމައިންނާއި ކާފައިންނަކީ އިލާހީ ހެޔޮ ރަޙްމަތެއްކަމަށެވެ. ރައީސް ވަނީ މިއަދުގެ އުފާވެރި ދުވަހު ހިތުގެ އިޚްލާޞްތެރި ހެޔޮ ދުޢާތައް ވަނީ، ދިވެހި ކޮންމެ މާމައަކާއި ކާފަޔަކާއެކު ކަން ފާހަގަކުރައްވައި މާމަ ކާފައިންނަށް ދުވަހުގެ ތަހްނިޔާ ވިދާޅުވެފައެވެ.
އަދުގެ ސަރުކާރުން އިސްރަށްވެހިންނަށް ހާއްސަ ސިޔާސަތުތަކެއް ކަނޑައަޅާފައިވާއިރު، ސަރުކާރުން ގެންދަނީ އިސްރަށްވެހިންނަށް ހާއްސަ މަރުކަޒުތަކެއް ގާއިމްކުރަމުންނެވެ. މާލޭގައި ގާއިމްކުރި އިސްރަށްވެހިންގެ ނާދީ ހުޅުވުމުގެ ރަސްމިއްޔާތުގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވެފައިވަނީ، އިސްރަށްވެހިން ކުރައްވަން ބޭނުންވާ ކަންކަމުގައި ސަރުކާރުގެ ފަރާތުން އެއްބާރުލުން ދެއްވަމުން ގެންދަވާނޭކަމަށެވެ.
އެގޮތުން ޤައުމު ބިނާކުރެއްވުމުގައި، ކުރިއަށް އޮތް ދުވަސްތަކަށް އަޅުގަނޑުމެންގެ ޅަދަރިން ހާނުވައި، ޒުވާނުންނަށް ހަމަމަގު ދެއްކުމުގައި، އަޅުގަނޑުމެންގެ އަސާސްތައް ޙިމާޔަތްކޮށްދެއްވައިގެން ކުރިއަށް ވަޑައިގަތުމުގައި، އިސްރަށްވެހިން ކުރައްވަން ބޭނުންވާ ހުރިހާ މަސައްކަތެއްގައި، އަދި އެދިވަޑައިގަންނަވާ ކަންކަން ފަހިކޮށްދިނުމުގައި ސަރުކާރު އަބަދުވެސް އޮންނާނޭކަމުގެ ޔަގީންކަން ރައީސް ވަނީ ދެއްވަވާފައެވެ.
Advertisement
This content is created and paid for by advertisers and does not involve Voice Journalists
