ފަޔަރ ޓްރަކް ހޮޅިއެއް ފަޅައިގެންގޮސް ފުވައްމުލަކް އެއާޕޯޓް ވަގުތީގޮތުން ހުއްޓުމަކަށް އަތުވެއްޖެއެވެ.
މިކަމާ ގުޅޭގޮތުން މޯލްޑިވިއަނުން ބުނެފައިވަނީ، ފުވައްމުލަކް އެއާޕޯޓްގެ އޮޕަރޭޝަން ވަގުތީގޮތުން ހުއްޓުމަކަށް ގެންނަން ޖެހުމާއެކު އެ އެއާލައިނުން ފުވައްމުލަކަށް ކުރަމުން އައި ދަތުރުތައް ވަގުތީގޮތުން ހުއްޓުމަކަށް އައިސްފައިވާކަމަށެވެ.
މޯލްޑިވިއަނުން ވަނީ ދަތުރުވެރިންގެ ކިބައިން މައާފަށްއެ އެހީއެއް ބޭނުންނަމަ، 1671 އަށް ގުޅައިގެން ކުރިއަށް ގެންދިއުމަށް އެދިފައެވެ.
ފުވައްމުލަކަކީ ލޯކަލް ޓޫރިޒަމް ވަރަށްބޮޑަށް ކުރިއަރަމުން އަންނަ ރަށެކެވެ. ފުވައްމުލައް އެއާޕޯޓް ފަޔަރ ޓްރަކް ހޮޅިއަށް ދިމާވި މައްސަލަ ހައްލުކޮށް އެއާޕޯޓް އަލުން އޮޕަރޭޝަނަށް ގެނެވޭނެ އިރެއް ކަމާބެހޭ ފަރާތަކުން އަދި ނުބުނެއެވެ. ކުއްލިއަކަށް ދިމާވި ކަމަކުން ފުވައްމުލައް އެއާޕޯޓް ބަންދުވުމާއެކު އެ ސިޓީއަށް ފުރަންގޮސް ތިބި ދަތުރުވެރިންނާއި އަދި އެރަށުން މާލެ އައުމަށް ދަތުރަށް ތައްޔާރުވަމުންދިޔަ ގިނަ އަދަދެއްގެ ބަޔަކު ވަނީ އެއާޕޯޓްގައި މަޑުކުރަން ޖެހިފައެވެ.
ކައިރި ހިސާބުތަކުން ލޯންޗުގައި ފުވައްމުލަކަށް ދަތުރުކޮށް އުޅުނު ނަމަވެސް، ދުރުހިސާބުތަކުން ފުވައްމުލަކަށް ދިއުމަށް ރައްޔިތުން ބޭނުންކުރަނީ މޯލްޑިވިއަންއެވެ. ފުވައްމުލައް އެއާޕޯޓަށް ހަމައެކަނި ދަތުރުތައް ބާއްވަނީވެސް މޯލްޑިވިއަނުންނެވެ.
Advertisement
This content is created and paid for by advertisers and does not involve Voice Journalists
