ރާއްޖެ-ޗައިނާ ގުޅުން ބަދަހިކުރުމަށް 11 ފަހުމުނާމާއެއްގައި ސޮއިކޮށްފި
ރާއްޖެ އާއި ޗައިނާއާ ދެމެދު އެކިދާއިރާތަކުން އެއްބާރުލުންދިނުމާބެހޭ ފަހުމުނާމާތަކުގައި ސޮއިކޮށްފި އެވެ.
ޗައިނާގެ ބެއިޖިންގެ، ވަންގްފުޖިންގް ހިލްޓަން ހޮޓެލްގައި މިއަދު ބޭއްވެވި ރަސްމިއްޔާތުގައި ވަނީ ރާއްޖެ އާއި ޗައިނާއާއި ދެމެދު އެކިދާއިރާތަކުން ގުޅުންބަދަހިކުރުމުގެ މަގްސަދުގައި މުހިންމު އެގާރަ ފަހުމުނާމާއެއްގައި ސޮއިކޮށްފަ އެވެ.
ސަރުކާރުން ބުނި ގޮތުގައި އޭގެ ތެރޭގައި އިގްތިސާދީ ތަރައްގީ އާއި އުމުރާނީ ތަރައްގީ އަދި އިޔާދަކުރަނިވި ހަކަތައިގެ ދާއިރާއިން ދެ ގައުމުން އެއްބާރުލުން އިތުރުކުރުމާ ގުޅޭ ފަހުމުނާމާތައް ހިމެނެ އެވެ.
ރާއްޖެ-ޗައިނާ ގުޅުން ބަދަހިކުރުމަށް 11 ފަހުމުނާމާއެއްގައި ވަނީ ސޮއިކޮށްފައި -- ފޮޓޯ: ރައީސް އޮފީސް
މި ފަހުމުނާމާތަކަކީ ކުރިއަށް އޮތް ތަނުގައި ދެ ގައުމުގެމެދުގައި އޮތް ޒަމާންވީ ގުޅުން އިތުރަށް ބަދަހިވެގެންދިޔުމާއެކު، ދެމެހެއްޓެނިވި ތަރައްގީއަށް އެޅިގެންދާ މުހިންމު ފިޔަވަޅަކަށް ވެގެންދާނެ ކަމަށްވެސް ސަރުކާރުން ބުނެ އެވެ.
މިއަދު އޮތް މި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބައިވެރިވެވަޑައިގެންނެވި އެވެ.
ރާއްޖެ-ޗައިނާ ގުޅުން ބަދަހިކުރުމަށް 11 ފަހުމުނާމާއެއްގައި ވަނީ ސޮއިކޮށްފައި -- ފޮޓޯ: ރައީސް އޮފީސް
ރައީސުލްޖުމްހޫރިއްޔާ ޗައިނާއަށް މިހާރު ކުރައްވަމުންގެންދަވާ ދަތުރުފުޅަކީ، ރައީސް ޝީ ޖިންޕިން ގެ ދައުވަތަކަށް، ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) ސަމިޓުގައި ބައިވެރިވެވަޑައިގެންނެވުމަށް އެ ގައުމަށް ކުރައްވާ ރަސްމީ ދަތުރުފުޅެކެވެ.
Advertisement
This content is created and paid for by advertisers and does not involve Voice Journalists
