އިތުރު ފަސް އަތޮޅެއްގައި އާރުޓީއެލް ފެރީގެ ހިދުމަތް ފަށަން ތައްޔާރު ވަނީ
އިތުރު ފަސް އަތޮޅެއްގައި އާރުޓީއެލް ފެރީގެ ހިދުމަތް ފަށަން އެކަމަަށް ކުރަން ޖެހޭ ދިރާސާތައް ފަށަން ތައްޔާރުވެއްޖެ އެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އިން މިއަދު ބުނީ އާރުޓީއެލް ޕްރޮޖެކްޓްގެ ދަށުން ޒޯން ހަތަރެއްގައި ހިމެނޭ ފަސް އަތޮޅުގެ ރަށްރަށުގައި ދަތުރުފަތުރުގެ ނިޒާމު ގާއިމު ކުރުމަށް އެހީތެރިކަން ދިނުމުގެ ގޮތުން ކުރަން ހަމަޖެހިފައިވާ ދިރާސާތައް ކުރުމަށްޓަކައި ޖަޕާން އިންޓަނޭޝަނަލް ކޯޕަރޭޝަން އެސިސްޓެންސް (ޖައިކާ) ގެ ކޮންސަލްޓަންޓުންނާއި އެ މިނިސްޓްރީގެ އިސް ބޭފުޅުންނާއެކު މިއަދު ވަނީ މަޝްވަރާ ބައްދަލުވުމެއް ބާއްވާފައި ކަމަށެވެ.
މި ބައްދަލުވުމުގައި ޖައިކާގެ ފަރާތުން ސެޕްޓެންބަރު އަދި އޮކްޓޯބަރު މަހު ކުރުމަށް ހަމަޖެހިފައިވާ ބޭސްލައިން ސާވޭއާބެހޭ މައުލޫމާތު އަދި އެސާވޭތައް ކުރިއަށް ގެންދިއުމަށް ރާވާފައިވާ ޓައިމްލައިން މިނިސްޓްރީއާ ހިއްސާ ކޮށްފައިވާ ކަމަށް ވަނީ ބުނެފަ އެވެ.
މިއަދު އޮތް ބައްދަލްވުން --
ޒޯން ހަތަރެއްގައި ހިމެނެނީ މ އަތޮޅާއި ފ އަތޮޅާއި ދ އަތޮޅާއި ތ އަތޮޅާއި ލ އަތޮޅެވެ.
އާރުޓީއެލްގެ ހިދުމަތަކީ ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުގައި ފެށި މަޝްރޫއު އެކެވެ. ކުރީ ސަރުކާރުން ފެށި އެންމެ މުހިންމު އެއް މަޝްރޫއު އަކީ މިއީ އެވެ. އެ ހިދުމަތް އިތުރު އަތޮޅުތަކުގައި ފެށުމަށް މި ސަރުކާރުން ވަނީ އެ މަޝްރޫއު ހަލުވި ކޮށްފަ އެވެ.
އެންމެ ފަހުން އެ ހިދުމަތް ފެށީ ބ އަތޮޅުގައި ދާދި ފަހުންނެވެ.
Advertisement
This content is created and paid for by advertisers and does not involve Voice Journalists
