މޯލްޑިވްސް އެމްއެސްއެމްއީ އެވޯޑް 2025 އަށް ފޯމު ހުށައެޅުމުގެ ފުރުސަތު ހުޅުވާލައިފި އެވެ.
މިއީ ރާއްޖޭގައި ހަރަކާތްތެރިވާ އެންމެ ކުދި، ކުދި އަދި މެދުފަންތީގެ ވިޔަފާރިތައް ހޯދަމުންދާ ކާމިޔާބީތައް ފާހަގަކޮށް، އެ ވިޔަފާރިތަކަށް ހިތްވަރު ދިނުމުގެގޮތުން ދިނުމަށް ހަމަޖެހިފައިވާ އެވޯޑެކެވެ. އެވޯޑް ދެނީ އިގްތިސާދީ ތަރައްގީ އާއި ވިޔަފާރިއާ ބެހޭ ވުޒާރާއާ ގުޅިގެން ބިޒްނަސް ސެންޓާ ކޯޕަރޭޝަނުން ދިނުމަށް ހަމަޖެހިފައިވާ އެވޯޑެކެވެ.
ބިޒްނަސް ސެންޓާ ކޯޕަރޭޝަނުން ބުނީ މޯލްޑިވްސް އެމްއެސްއެމްއީ އެވޯޑް 2025 އަށް ފޯމު ހުށައެޅުމުގެ ފުރުސަތު ހުޅުވާލާފައިވާ ކަމަށެވެ. އެ ކޯޕަރޭޝަނުން ބުނި ގޮތުގައި އެމްއެސްއެމްއީ އެވޯޑު ދިނުމަށް ހަމަޖެހިފައިވަނީ ދެ ގިންތިއަކުންނެވެ. އެ ގޮތުން މައިގަނޑު 24 ދާއިރާއަކުން އެވޯޑް ދޭނެ އެވެ.
އެގޮތުން ޖަޖުކުރެވޭ ގިންތިން 13 ދާއިރާއަކުން އެވޯޑް ދޭނެ އެވެ. ޕޮޕިއުލާ އެވޯޑްސް ގިންތިން 11 ދާއިރާއަކުން އެވޯޑް ދިނުމަށް ވަނީ ހަމަޖެހިފަ އެވެ.
މޯލްޑިވްސް އެމްއެސްއެމްއީ އެވޯޑް --
އެމްއެސްއެމްއީ އެވޯޑްއަށް ކުރިމަތިލުމަށް ޝައުގުވެރިވާ ފަރާތްތަކުން އޮންލައިން ޕޯޓަލް މެދުވެރިކޮށް ފޯމު ހުށަހެޅުމަށް ވަނީ އެދިފަ އެވެ.
* ނަން ހުށައެޅުމުގެ ސުންގަޑިއަކީ އޮކްޓޫބަރު ދެވަނަ ދުވަހުގެ ނިޔަލަށް
ބީސީސީން ބުނީ މި އެވޯޑް ދިނުމަށް ހަމަޖެހިފައިވާ ގިންތިތަކާއި ދާއިރާތަކަށް ހާއްސަ ޝަރުތުތައް ހިމެނޭހެން، އެވޯޑުދޭ ދާއިރާތަކުގެ ތަފްސީލު ވަނީ އާންމުކޮށްފަ އެވެ.
Advertisement
This content is created and paid for by advertisers and does not involve Voice Journalists
