ފެނިގެއްލިދާގޭގައި ރޯވީ، ޓެރަހުގައި ހުރި ކުނިތަކެއްގައި: އެމްއެންޑީއެފް
ހ.ފެނިގެއްލިދާގޭގައި ރޯވެފައިވަނީ އެގޭގެ ޓެރަހުގައި ހުރި ކުނިތަކެއްގައިކަމަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ބުނެފިއެވެ.
އެމްއެންޑީއެފަށް އެގޭގައި އަލިފާނުގެ ހާދިސާއެއް ހިނގައިގެން އުޅޭކަމުގެ މައުލޫމާތު ލިބިފައިވަނީ، މިއަދު ހެނދުނު 08:19 ހާއިރުއެވެ. އެމްއެންޑީއެފުން ބުނީ މި ހާދިސާގެ މަޢުލޫމާތު ލިބުމާ އެކު، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުން ވަނީ އެ ސަރަހައްދަށް ގޮސް، ރޯވި އަލިފާން ނިއްވާލާފައި ކަމަށެވެ.
ފަޔަރފައިޓަރުން ކުރި މަސައްކަތުން އެ ގޭގެ ޓެރަސްމަތީ ހުރި ކުނިތަކެއްގައި ރޯވި އަލިފާން ނިއްވާލެވުނީ08:36 ހާއިރުއެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށް އެމްއެންޑީއެފުން ބުނެއެވެ.
ފަޅުގޭގެ އާއި ގެތަކުގެ ހުސްޖާގަތަކުގައި ހުންނަ ކުނިތަކުގައި އަލިފާން ހިފުމަކީ ބައެއްފަހަރު ވަރަށް އާއްމު ކަމެކެވެ. މިފަދަ ހާދިސާތައް ގިނަފަހަރަށް ހިނގަނީ ކޮންމެވެސް ބައެއްގެ އިހުމާލުންކަމަށް ކަމާބެހޭ ފަރާތްތަކުން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
