އިންޑިއާގައި އުފައްދާ ޖެނެރިކް މެޑިސިން ނެދަލެންޑްސްއަށް އެތެރެކުރުން އިތުރުކުރަން ބޭނުންވާކަމަށް އެގައުމުން ބުނެފިއެވެ.
އިންޑިއާގެ ވެރިރަށް ދިއްލީގައި ކުރިއަށްދިޔަ ފާމަސިއުޓިކަލް އެގްޒިބިޝަނެއްގައި ވާހަކަ ދައްކަވަމުން ނެދަލެންޑްސްގެ ހެލްތު މިނިސްޓްރީގެ ޑެޕިއުޓީ ޑިރެކްޓަރ ފޮރ ފާމަސިއުޓިކަލް އެފެއަރޒް ކެއިލޭ ވެން ވިންސެން ވިދާޅުވީ ނެދަލެންޑްސްގައި ޖެނެރިކް ޑްރަގްސް ބޭނުންކުރުން ވަރަށް ގިނަ ކަމަށާއި، ސަޕްލައި ޗެއިން މެދުކެނޑުނަ ނުދޭން އިންޑިއާގެ ބޭސްތައް އެތެރެކުރަން ގިނަ ކުރަން ޖެހޭކަމަށެވެ.
އިންޑިއާއިން މިނިމުނު މާލީ އަހަރު ނެދަލެންޑްސްއަށް އެކަނިވެސް 616 މިލިއަން ޑޮލަރުގެ ބޭސް ބޭރުކުރިއެވެ. މިހާރުވެސް އަމަލުކުރަމުން އަންނަ އެމް.އޯ.ޔޫއެއްގެ ދަށުން ނެދަލެންޑްސްގެ ބޭސް ކޮލިޓީ ކޮންޓްރޯލްކުރުމުގެ ޕްރޮސެސްއަށް އިންޑިއާގެ ޓެކްނީޝަނުން އަހުލުވެރިކުރުމުގެ ތަމްރީނުތަކެއްވެސް ނެދަލެންޑްސްގައި ކުރިއަށް ގެންދެއެވެ.
ނެދަލެންޑްސް އިން ބޭނުންވަނީ އަގު ބޮޑެތި ބޭސް އުފައްދާ ކުންފުނިތަކަށް ބަރޯސާވުމުގެ ބަދަލުގައި ވީހާވެސް ގިނަ ދިމަދިމާލުން ބޭސް އެތެރެކުރަންކަމަށް ނެދަލެންޑްސްގެ ހެލްތު މިނިސްޓްރީއިން ބުނެއެވެ.
Advertisement
This content is created and paid for by advertisers and does not involve Voice Journalists
