ބޭ އޮފް ބެންގޯލްގައި އޮންނަ އިންޑިއާގެ ޖަޒީރާތަކެއްކަމަށްވާ އަންޑަމަން އައިލެންސްގެ އައްސޭރިފަށުގެ ބޭރުން، ކަނޑުގެ އަޑިން ޤުދުރަތީ ގޭސް ފެނިފައިވާކަމަށް އިންޑިއާގެ އޮއިލް އިންޑިއާ ލިމިޓެޑުން ބުނެފިއެވެ.
އިންޑިއާ ސަރުކާރުގެ މިކުންފުނިން އެސަރަހައްދުގައި ޤުދުރަތީ ގޭސް ހުރިތީ ބެލުމަށް މިއަހަރުގެ މާޗް މަހުން ފެށިގެން އަންނަނީ ދިރާސާތަކެއް ކުރަމުންނެވެ. އިންޑިއާގެ މީޑިއާ ރިޕޯޓްތައް ބުނާ ގޮތުގައި ގޭސް ފެނިފައިވަނީ އައްސޭރިފަށުން ފެށިގެން 17 ކިލޯމީޓަރު ބޭރުންނެވެ. އެހެންނަމަވެސް މި ގޭސް ވަޅުގެ ސައިޒާއި، އެއިން ނެރެވޭނެ މާލީ މަންފާއެއް އަދި ސާފެއް ނޫނެވެ.
އެންޑަމަން އައިލެންޑްސް ކައިރިން ގޭސް ފެނޭތޯ މިއަހަރު ދިރާސާކުރަން ފެށީއްސުރެ، އިންޑިއާގެ ތެލާއި ބެހޭ ވަޒީރު ހަރްދީޕް ސިންހް ޕޫރީގެ އުއްމީދަކަށް ވެފައި އޮތީ ދާދިފަހުން ގަޔާނާއިން ފެނުނު ވަރުގެ ވަޅެއް ފެނި، އެވަރުގެ ފައިދާއެއް ނެރެވުމެވެ. ޕޫރީ ވިދާޅުވީ ސާމްޕަލް ދިރާސާކުރި އިރު 87 އިންސައްތަ މީތޭން ގޭސް އެތަނުގައި އެބަހުރިކަމަށެވެ.
Advertisement
This content is created and paid for by advertisers and does not involve Voice Journalists
