ސަރުކާރުގެ ހަރަދުތައް ހަމަޖެއްސުމުގެ ގޮތުން 2021 ވަނަ އަހަރު ދޫކުރި ސުކޫކެއްގެ ޕޭމަންޓަކަށްވާ 24.6 މިލިއަން ޑޮލަރު ދައްކައިފިކަމަށް ފިނޭންސް މިނިސްޓްރީން ބުނެފިއެވެ. 

ފިނޭންސުން ބުނީ މި ޕޭމަންޓަކީ 2021 ވަނަ އަހަރު ސަރުކާރުން ދޫކުރި 500 މިލިއަން ޑޮލަރުގެ ތެރެއިން އޮކްޓޯބަރުމަހު ދައްކަންޖެހުނު އަދަދެއް ކަމަށެވެ. މި ސުކޫކުގެ ކޫޕަން ފައިސާ ދައްކަންޖެހެނީ ކޮންމެ އަހަރެއްގެ އޭޕްރިލް އަދި އޮކްޓޯބަރު މަހުއެވެ. ސަރުކާރުން ދޫކޮށްފައިވާ 500 މިލިއަން ޑޮލަރުގެ މި ސުކޫކުގެ މުއްދަތު ހަމަވާނީ އަންނަ އަހަރުެގ އޭޕްރިލްމަހުކަމަށް ފުނޭންސުން ބުންޏެވެ.

ދިވެހި ސަރުކާރުން ތާވަލާ އެއްގޮތަށް ސުކޫކު އަނބުރާ ފައިސާ ދެއްކުމަށް، އެންމެފަހުގެ ކޫޕަން ފައިސާ ގޮތުގައި 25 މިލިއަން އެމެރިކާ ޑޮލަރާއި، މުޅި އަދަދުކަމަށްވާ 500 މިލިއަން އެމެރިކާ ޑޮލަރު އަންނަ އަހަރުގެ  އޭޕްރިލްމަހު މުއްދަތު ހަމަވާއިރު ދައްކައި ނިންމާނެ ކަމަށް ފިންނޭންސް މިނިސްޓްރީން ބުނެއެވެ. އެގޮތުން މިހާތަނަށްވެސް ފިނޭންސް މިނިސްޓްރީން ގެންދަނީ އޭރު ސަރުކާރުން ނެގި ސޫކޫކަށް ދައްކަންޖެހޭ ކޫޕަން ޕޭމަންޓުތައް ގަވާއިދުން ދައްކަމުންކަމަށް އެ މިނިސްޓްރީން ބުންޏެވެ.

ފނޭންސުން ބުނީ ދަރަނީގެ ޒިންމާތައް ވަގުތުން ވަގުތަށް އަދާކުރުމަކީ ސަރުކާރުގެ އެންމެ އިސް އަމާޒުތަކުގެ ތެރޭގައި ހިމެނޭ ކަމެކެވެ. މިހިނގާ އޮކްޓޯބަރ މަހު ދައްކަންޖެހޭ ކޫޕަން ފައިސާ ކާމިޔާބުކަމާއެކު ދެއްކުމުން ދައްކުވައިދެނީ ސަރުކާރުން މާލީ ޒިންމާތައް އަދާކުރުމަށް ކުރަމުންދާ މަސައްކަތާއި، ބައިނަލްއަޤްވާމީ އިންވެސްޓަރުންގެ އިތުބާރު ދެމެހެއްޓުމަށް ކުރަމުންދާ މަސައްކަތް ކަމަށް ސަރުކާރުން ބުނެއެވެ.

2021 ވަނަ އަހަރު ދޫކުރި ސްކޫކެއްގެ ފައިސާގެ އެއްބައި އަނބުރާ ދެއްކިއިރު އަންނަ އަހަރަކީ ރެކޯޑް އަދަދަށް ލޯނުތައް އަދާކުރަންޖެހޭނެ އަހަރެއްކަމަށް ފިނޭންސް މިނިސްޓްރީން ވަނީ ބުނެފައެވެ. އެގޮތުން އަންނަ އަހަރުގެ ތެރޭގައި އަދާކުރަންޖެހޭ ބޭރުގެ ދަރަނިތަކުގެ ޖުމްލަ 1 ބިލިއަން ޑޮލަރަށް އަރާކަމަށް ފިނޭންސުން ވަނީ ބުނެފައެވެ.