އަޅުގަނޑުމެން ވާންވީ އެހެން މީހުންގެ ވޭންތަކާއި ރިހުންތަކަށް އިހްތިރާމްކުރާ ބަޔަކަށް: މެޑަމް ސާޖިދާ
އެހެން މީހުންގެ ވޭންތަކާއި ރިހުންތަކަށް އިހުތިރާމްކުރާ ބަޔަކަށް އަޅުގަނޑުމެން ވާންޖެހޭކަމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު ވިދާޅުވެއްޖެއެވެ.
މޯލްޑިވްސް ޕޯޓްސް އޮތޯރިޓީން ފެށި "ފަހި ޕްރޮގްރާމް- އެކުއެކީ، ގުޅިގެން" އިފްތިތާހްކުރުމަށް ބޭއްވި ހަފްލާގައި ވާހަކަދައްކަވަމުން މެޑަމް ސާޖިދާ ވަނީ ނުކުޅެދުންތެރިކަމާއި ހާއްސަ އެހީތެރިކަން ބޭނުންވާ މީހުންނަށް އަޅާލުމާއި އެމީހުްނގެ މުހުތާދުތައް ފިލުވައިދިނުމާއި ގުޅޭގޮތުން ވާހަކަދައްކަވާފައެވެ.
މެޑަމް ވިދާޅުވީ ދުނިޔަވީ ހަޔާތުން ފެންނަ ތަފާތު ކަންކަމަކީ އިލާހީ ޤަނޫނުކަމަށާއި، ކޮންމެ ދިމާލަކަށް ބަލާލިނަމަވެސް ފެންނަނީ އެކައްޗަކާއި އަނެއްކެއްޗަކާހުރި ތަފާތުކަންކަމަށެވެ. އެކަން ޤަބޫލުކުރުމުގެ މުހިންމު ކަމުގެ މައްޗަށް އިލްމީ ނަޒަރިއްޔާތަކުން ވާހަކަދައްކަވަމުން މެޑަމް ސާޖިދާ ވިދާޅުވީ، އަޅުގަނޑުމެން ވާންވީ އެހެން މީހުންގެ ވޭންތަކާއި ރިހުންތަކަށް އިހުތިރާމްކުރާ ބަޔަކަށް ކަމަށާއި އިންސާނިއްޔަތުގެ މާތް ސިފަތައް އަށަގަތުމަކީ ތަހުޒީބު ޤައުމެއްގެ ސިފައެއްކަމަށެވެ.
ނުކުޅެދުންތެރިކަމާއި ހާއްސަ އެހީއަށް ބޭނުންވާ މީހުންނަށް މުޖުތަމައުގެ އަޅާލުންދިނުމުގެ މުހިންމުކަން ފާހަގަކުރަމުން މެޑަމް ވިދާޅުވީ ހާއްސަ އެހީތެރިކަމާއި، ނުކުޅެދުންތެރިކަން ހުންނަ ފަރާތްތަކަށް އެންމެ އެކަށީގެންވާ ގޮތެއްގައި މުޖުތަމައުގެ ފަރާތުން ދޭންޖެހޭ އިހްތިރާމް ނުދެވޭކަމަށެވެ.
ހާއްސަ އެހީތެރިކަމާއި، ނުކުޅެދުންތެރިކަން ހުންނަ ފަރާތްތަކަށް އެންމެ އެކަށީގެންވާ ގޮތުގައި މުޅި މުޖުތަމަޢުން ގަދަރު ނުދެވޭކަން. ހިތްވަރާއި އެހީތެރިކަން ފޯރުވައިނުދެވޭކަން.
މެޑަމް ސާޖިދާ ވިދާޅުވިއެވެ
މެޑަމް ވިދާޅުވީ މިކަންކަން ބަދަލުކުރެވޭނީ ނުކުޅެދުންތެރި ފަރާތްތަކާ މެދު ދެކޭ ގޮތް ބަދަލުވެގެންކަމަށެވެ. އަޅުގަނޑުމެން ކޮންމެ މީހަކީ ވެސް ކޮންމެވެސް ކަހަލަ ސިއްޙީ ކަމަކަށް ފަރުވާކުރާނެ މީހެއްކަން ފާހަގަކުަރއްވަމުން މެޑަމް ވިދާޅުވީ އެއްވެސް މީހަކީ އެންމެ ފުރިހަމަކަން އެއްވެސް ގޮތަކަށް ލިބިގެންވާ މީހެއް ނޫންކަން މެޑަމްގެ ވާހަކާގައި ފާހަގަކުރެއްވިއެވެ.
މި ހަފްލާގައި ވާހަކަދައްކަވަމުން މެޑަމް ވަނީ ނުކުޅެދުންތެރިކަން ހުންނަ މީހުންނަށް ދައުލަތުން ވަޒީފާގެ ފުރުސަތުތައް ތަނަވަސްކޮށްދިނުމުގެ މުހިންމުކަން ފާހަގަކުރައްވާފައެވެ. އެގޮތުން މިކަމަކީ އެތައް ރައްޔިތުންގެ ހިތްދަތި އިހްސާސްތަކާއި ވޭންތަކަށް ދެވުނު ލޯތްބާއި ކުލުނުވެރިކަމުގެ ފަރުވާއެއްކަން ފާހަގަކުަރއްވާފައެވެ.
ނުކުޅެދުންތެރިކަން ހުންނަ މީހުނަށް ވަޒީފާގެ ފުރުސަތުތައް ހޯދައިދިނުމަކީ ސަރުކާރުގެ ވަރަށް މުހިންމު ސިޔާސަތުގެ ތެރޭގައި ހިމެނިގެން ކުރިއަށްދާ ކަމެކެވެ. އެގޮތުން މިކަން ކުރިއަށްދަނީ އެމީހެއްގެ ހާލަތަށްބަލައި ކަނޑައެޅޭ ތަމްރީނުތައް ހިންގުމަށްފަހު ޒިންމާތައް އަދާކުރެވޭނެ ގޮތަށެވެ.
Advertisement
This content is created and paid for by advertisers and does not involve Voice Journalists
