މޯލްޑިވްސް ޕޯޓްސް ލިމިޓެޑުން ނުކުޅެދުންތެރިކަން ހުންނަ މީހުނަށް ވަޒީފާ ދިނުމަށް ކުރިއަށްގެންދާ ހާއްސަ ޕްރޮގްރާމްކަމަށްވާ "ފަހި ޕްރޮގްރާމް- އެކުއެކީ، ގުޅިގެން" މިއަދު އިފްތިތާހްކޮށްފިއެވެ.
މިކަމަށްޓަކައި މީރުމާގައި ބޭއްވި ރަސްމިއްޔާތެއްގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ އަނބިކަނބަލުން މެޑަމް ސާޖިދާ މުހައްމަދު ވަނީ ޕްރޮގްރާމްގެ ތެރެއިން ވަޒީފާ ހަމަޖެއްސި 40 މީހަކަށް އެކަމުގެ ލިޔުން ހަވާލުކޮށްދެއްވާފައެވެ.
އެމްޕީއެލުން ބުނީ އެކުންފުނިން ވަޒީފާ ހަމަޖެއްސި 40 މީހުންގެ ތެރޭގައި ކުޅުދުއްފުށި ޕޯޓާއި، ހިތަދޫ ޕޯޓްގެ ވަޒީފާތަކަށް ހަމަޖެއްސި ފަރާތްތައް ހިމެނޭކަމަށެވެ. އެގޮތުން މާލޭ ޕޯޓުން 35 މީހަކަށް ވަޒީދާ ހަމަޖައްސައިދީފައިވާކަމަށް އެމްޕީއެލުން ވަނީ ބުނެފައެވެ.
"ފަހި ޕްރޮގްރާމް- އެކުއެކީ، ގުޅިގެން" އިފްތިތާހްކުރުމުގެ ތެރެއިން.. ފޮޓޯ: ރައީސް އޮފީސް
ދައުލަތުގެ ތެރެއިން ނުކުޅެދުންތެރިކަން ހުންނަ މީހުންނަށް ވަޒީފާގެ ފުރސަތު ފޯރުކޮށްދިނުމަކީ ރައީސް ޑރ.މުހައްމަދު މުއިއްޒުގެ ރިޔާސީ ވައުދުފުޅެކެވެ.
"ފަހި ޕްރޮގްރާމް- އެކުއެކީ، ގުޅިގެން" އިފްތިތާހްކުރުމުގެ ތެރެއިން.. ފޮޓޯ: ރައީސް އޮފީސް
އެމްޕީއެލް ހިމެނެނީ މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން ކުރަމުންގެންދާ މަސައްކަތްތަކުގެ ތެރެއިން ނުކުޅެދުންތެރިކަން ހުންނަ ފަރާތްތަކަށް ވަޒީފާގެ ފުރުސަތު ހަމަޖައްސައިދިން ދައުލަތުގެ ފުރަތަމަ ކުންފުންޏެވެ.
އެމްޕީއެލުން ބުނީ މިއީ ސަރުކާރުގެ ކަމާބެހޭ މިނިސްޓްރީއާ ގުޅިގެން ކުރިއަށް ގެންދެވުނު ވަރަށް މުހިންމު މަސައްކަތެއްމަަށެވެ.
Advertisement
This content is created and paid for by advertisers and does not involve Voice Journalists
