ވިލިމާލޭގައި ސްޕޯޓްސް ކޮމްޕްލެކްސްއެއް އެޅުމުގެ މަސައްކަތް އަންނަ އަހަރު ފަށާނަން: ރައީސް
އަންނަ އަހަރުގެ ތެރޭގައި ވިލިމާލޭގައި ސްޕޯޓްސް ކޮމްޕްލެކްސްއެއް އެޅުމުގެ މަސައްކަތް ފެށިގެންދާނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ވިލިމާލޭގެ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި ރައީސް ވިދާޅުވީ އަންނަ އަހަަރު ވިލިމާލޭގައި ފެށިގެންދާނޭ އެންމެ މުހިންމު މަޝްރޫޢުއަކީ ސްޕޯޓްސް ކޮމްޕްލެކްސްގެ މަސައްކަތް ކަމަށެވެ. ރައީސް ވިދާޅުވީ މުޅި ރާއްޖޭގައި ޒުވާނުނަށް ކުޅިވަރުގެ އިންފްރާސްތަކްޗަރތައް ގާއިމްކޮށްދިނުމަކީ ސަރުކާރުގެ ވަރަށް މުހިންމު ސިޔާސަތެއް ކަމަށާއި، އެ ސިޔާސަތުގެ ދަށުން ވިލިމާލޭގައި މިހާބޮޑު އާބާދީއެއް އޮންނައިރު ކަންކަން ބިނާވެފައި އޮންނަން ޖެހޭނީ އެ ބީދައިންކަމަށެވެ.
ރައީސް ވިދާޅުވީ ވިލިމާލޭގައި ތަރައްޤީކުރާ ސްޕޯޓްސް ކޮމްޕްލެކްސްގައި 1200 މީހުންނަށް ކުޅިބަލަން ތިބެވޭނެ ކަމަށާއި، އެތަން ފަރުމާކުރާނީ އެކިކަހަލަ އިންޑޯ ކުޅިވަރުތައް ކުޅެވޭ ގޮތަށްކަމަށެވެ.
އޭގެ އިތުރަށް މިހާރު އޮތް ފުޓްބޯޅަދަނޑު ފީފާގެ ސްޓޭންޑަރޑަށް ގެންދިއުމަށްޓަކައި ރޮސްޓަމް އަދި ލައިޓިން ވަސީލަތްތައް ގާއިމްކުރުން އޮތީ ހަމަޖެހިފައި
ރައީސް ޑރ.މުއިއްޒު ވިދާޅުވިއެވެ
މީގެ އިތުރުން ރައީސް ވިދާޅުވީ ވިލިމާލޭ ހޮސްޕިޓަލް ޓާޝަރީ ފެންވަރަށް ތަރައްޤީކުރުމުގެ މަސައްކަތްވެސް ކުރުމަށް ތައްޔާރުވަމުންދާކަމަށެވެ. އެގޮތުން ވިލިމާލޭ ހޮސްޕިޓަލް ވަގުތީގޮތުން އެހެން ތަނަކަށް ބަދަލުކުރުމުގެ މަސައްކަތްކުރުމަށް ކުރަންޖެހޭ މަސައްކަތްތައް މިއަދު ފެށުނުކަން ރައީސް ފާހަގަކުރެއްވިއެވެ.
މީގެ އިތުރުން ވިލިމާލޭގައި ޑޮލަރު އޭޓީއެމެއް ބެހެއްޓުމާއި ބޯހިޔާވަހިކަން ފޯރުކޮށްދިނުމަށް ފްލެޓް އެޅުމުގެ މަސައްކަތްތައްވެސް ކުރިއަށްއޮތްތަނުގައި ކުރިއަށްގެންދާނޭކަމަށް ރައީސް ވަނީ މިރޭ ވިދާޅުވެފައެވެ. މާލެސިޓީއެކޭ އެއްހަމަޔަކުން ތަރައްޤީގެ ކަންކަން ވިލިމާލޭގައިވެސް ކުރިއަށްގެންދިއުމަކީ މި ސަރުކާރުގެ އަމާޒުކަމަށް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
