ރާއްޖެއާ ކޮލަމްބޯއާ ދެމެދު ސްރީލަންކަންއިން ކުރާ ދަތުރުތައް މިއަދު ހުއްޓުމަކަށް
ރާއްޖެ އާއި ކޮލަމްބޯއ ދެމެދު ސްރީލަންކަންއިން ކުރާ ދަތުރުތައް މިއަދު ކެންސަލްކުރަން ޖެހިއްޖެއެވެ.
ސްރީލަންކާއަށް މިހާރު ކުރަމުންދާ މޫސުމީ ވިއްސާރަ އާއި އެރި ތޫފާން ދިތުވާގެ ސަބަބުން އެޤައުމުގެ ވައިގެ އުދުހުންތަކަށް ބުރޫއަރައި ގިނަ އަދަދެއްގެ ފްލައިޓްތައް ވަނީ ކެންސަލްކޮށްފައެވެ. އެގޮތުން ސްރީލަންކަން އިން ވަނީ ރާއްޖެއަށް ކުރަމުން އައި ދަތުރުތައް މިއަދު ވަގުތީގޮތުން ސަސްޕެންޑްކޮށްފައެވެ.
ސްރީލަންކަން އެއާލައިންގެ ރާއްޖޭގެ އޭޖެންޓް ރާއްޖޭގެ އެޖެންޓް، އޭސް އޭވިއޭޝަންގެ މެނޭޖިންގ ޑިރެކްޓަރ މުޙައްމަދު ފިރާގް ވޮއިސްއަށް ވިދާޅުވީ މިއަދު ފްލައިޓްތައް ކެންސަލްވި ނަމަވެސް ފްލައިޓެއް ބޭއްވޭތީ މަސައްކަތްކުރަމުންދާކަމަށެވެ. ސްރީލަންކަން އިން ވަނީ ކޮލަމްބޯ އާއި ވީއައިއޭއާ ދެމެދު ކުރުމަށް ޝެޑިއުލްކޮށްފައި އޮތް 17 ފްލައިޓެއް ކެންސަލްކޮށްފައެވެ.
ސްރީލަންކާއަކީ އެކި ބޭނުންތަކުގައި ދިވެހިން އެންމެގިނައިން ދަތުރުކޮށް އުޅޭ އެއް ޤައުމެވެ. މީގެ އިތުރުން ސްރީލަންކަންއިން ރާއްޖެއަށް ގިނަ އަދަދެއްގެ ފަތުރުވެރިންނާއި ވައިގެ މަގުން މުދާ ކޮންމެ ދުވަހަކުވެސް ގެނެއެވެ.
ސްރީލަންކާއަށް ކުރަމުންދާ ވިއްސާރައާ ގުޅިގެން ކޯރުތައް ބަންޑުންވެ ބައެއް ހިސާބުތަކުގައި ފެންބޮޑުވެ، ބޮޑެތި ގެއްލުންތަކެއް ދަނީ ލިބެމުންނެވެ.
Advertisement
This content is created and paid for by advertisers and does not involve Voice Journalists
