އޭޝިއާ ސަރަަހައްދުގެ ގައުމުތަކަށް މިހާރު ކުރަމުންދާ ވިއްސާރައިގައި އިންޑޮނޭޝިއާއިން މަރުވި މީހުންގެ އަދަދު 300 އަށްވުރެ މައްޗަށް އަރައިފިއެވެ.
އިންޑޮނޭޝިއާގެ އުތުރު ސުމަޓްރާ ޕްރޮވިންސަށް ބޯކޮށް ވާރޭވެހި ބިންގަނޑު ކަނޑައިގެން ދިޔުމުގެ ހާދިސާތަކުގައި އެތައް ބައެއްގެ ފުރާނަ ގެއްލުނުއިރު، ބޮޑެތި ގެއްލުންތަކެއް ވަނީ ލިބިފައެވެ. އެ ގައުމުގެ ސަލާމަތީ ބާރުތަކުން ރިޕޯޓުކުރާ ގޮތުގައި ބިންގަނޑު ކަނޑައިގެން ދިއުމުގެ ހާދިސާތަކުގައި އެތައް ބައެއްގެ ގެދޮރު ގެއްލުނުއިރު، 500 އަށް ވުރެ ގިނަ މީހުންނަށް ވަނީ އަނިޔާވެފައެވެ. އަދި 100 އަށް ވުރެ ގިނަ މީހުން ގެއްލިގެން ހޯދުމުގެ މަސައްކަތް ދަނީ ކުރެވެމުންނެވެ.
އިންޑޮނޭޝިއާގެ ކަމާބެހޭ އިދާރާތަކުން އަންނަނީ 24 ގަޑިއިރު މީހުންނަށް އެހީތެރިކަން ފޯރުކޮށްދިނުުމަށް މަސައްކަތްކުރަމުންނެވެ. ނަމަވެސް ބައެއް ސަރަހައްދުތަކުގައި މަގުތައް ބަންދުވެފައި ހުރުމުން އެ ހިދުމަތްތައް ފޯރުކޮށްދިނުމަށް ދަތިތައް ކުރިމަތިވަމުން ދާކަމަށް އެ އިދާރާތަކުން ވަނީ ބުނެފައެވެ.
އިންޑޮނޭޝިއާގެ އުތުރު ސުމަޓްރާ ސަރަހައްދަކީ ގުދުރަތީ ހާދިސާތައް ވަރަށްގިނައިން ހިނގާ ސަރަހައްދެކެވެ.
Advertisement
This content is created and paid for by advertisers and does not involve Voice Journalists
