ދެކުނު އެފްރިކާގެ ޕްރެޓޯރިއާ ސިޓީގެ ހޮސްޓެލްއެއްގައި ދިން ބަޑީގެ ހަމަލާއެއްގައި 12 މީހަކު މަރާލައިފިއެވެ.
ބަޑީގެ ހަމަލާތަކުގައި މަރުވި މީހުންގެ ތެރޭގައި 3 އަހަރުގެ ތުއްތު އަންހެން ކުއްޖަކާއި، 12 އަހަރުގެ ފިރިހެން ކުއްޖެއްގެ އިތުރުން 16 އަހަރުގެ އަންހެން ކުއްޖަކު ހިމެނެއެވެ.
މަންޒަރުދުށް ފަރާތަކުން ބުނެފައިވަނީ، މި ހާދިސާ ހިނގާފައިވަނީ މިއަދުގެ ހެނދުނުގެ ވަގުތެއްގައި ކަމަށެވެ. ބަދީގެ ހަމަލާތަކުގައި 11 މީހެއްގެ ފުރާނަ ގެއްލުނުއިރު 14 މީހަކަށް ވަނީ އެކިވަރުގެ އަނިޔާތައް ލިބިފައެވެ. ބައެއް ނޫސްތަކުން ރިޕޯޓްކޮށްފައިވާ ގޮތުގައި ބަޑިހިފައިގެން ހޮސްޓެލްއަށް ވަދެފައިވަނީ މަސްތުގެ ހާލަތުގައި ތިބި ބައެކެވެ. ހޮސްޓެލްއަށް ވަނުމަށްފަހު އެމީހުންވަނީ ވަކި އަމާޒެއްނެތި ބަޑިޖަހަން ފަށާފައެވެ. ބަޑިޖެހީ ކިތައް މީހުން ކަމެއް ނޭނގެއެވެ.
މި ހާދިސާ އާ ގުޅޭގޮތުން މާބޮޑު ތަފްސީލެއް ލިބިފައެއް ނުވެއެވެ. ދެކުނު އެފްރިކާއަކީ ބަޑިޖެހުމުގެ މިފަދަ ވަރަށްގިނަ ހާދިސާތައް ހިނގާ ޤައުމެކެވެ.
Advertisement
This content is created and paid for by advertisers and does not involve Voice Journalists
