ދިރާގުޕޭއިން ދޭ 50،000 ރުފިޔާ ހޯދުމުގެ ޕްރޮމޯޝަންގައި ބައިވެރިވުމުގެ ފުރުސަތު މިމަހުގެ ނިޔަލަށް ހަމަވާނެކަމަށް ދިރާގުން ބުނެފިއެވެ. 

މި ޕްރޮމޯޝަނަކީ ދިރާގު ފިންޓެކްއިން ކުރިއަށް ގެންދާ ދިރާގުޕޭ ޑައުންލޯޑުކޮށް ރަޖިސްޓަރީކޮށްގެން 50،000 ރުފިޔާ ހޯދުމުގެ ފުރުސަރު ދިނުމަށް ބޭއްވޭ ޕްރޮމޯޝަނެކެވެ. މި ޕްރޮމޯޝަންގައި ބައިވެރިވުމުގެ ފުރުސަތު ހަމަވާނީ 31 ޑިސެންބަރު 2025 ގެ ނިޔަލަށެވެ. 

މި ޕްރޮމޯޝަންގެ ދަށުން ދިރާގުޕޭ އަށް ރަޖިސްޓްރީ ކޮށްފައިވާ އަދި އަލަށް ރަޖިސްޓްރީކުރާ ކަސްޓަމަރުންގެ ތެރެއިން ގުރުއަތުން ހޮވޭ ނަސީބުވެރިއަކަށް 50،000 ރުފިޔާ ލިބިގެންދާނެކަމަށް ދިރާގުން ބުނެއެވެ. މި ގޮތުން، ދިވެހިރާއްޖޭގެ މޮބައިލް ނަންބަރެއް ގެންގުޅޭ ކޮންމެ ފަރާތަކަށް ވެސް ދިރާގުޕޭއަށް ރަޖިސްޓަރީކުރެވޭނެއެވެ.

ދިރާގު ފިންޓެކް އިން ވަނީ ދާދި ފަހުން 1 ރުުފިޔާއަށް ކޮފީ ލިބޭ ޕްރޮމޯޝަނެއް ވަރަށް ކާމިޔާބުކަމާއެކު ކުރިއަށް ގެންގޮސްފައެވެ. މި  ޕްރޮމޯޝަންއަށް ވަރަށް ގިނަ ފަރާތްތަކެއްގެ ތަރުހީބު ވަނީ ލިބިފައެވެ. މިއީ، ދިރާގުޕޭގެ މާޗަންޓުންނާއި ގުޅިގެން ކަސްޓަމަރުންނާ ހަމައަށް ތަފާތު އޮފަރތައް ގެނެސްދިނުމަށް ދިރާގުޕޭއިން ދޭ އިސްކަން ދައްކުވައިދޭ ކަމެކެވެ.

 ދިރާގުޕޭ އީ-ވޮލެޓްއިން ލިބޭ ހިދުމަތްތަކުގެ ތެރޭގައި ބިލް ސްޕްލިޓިންގ، ސަބް ވޮލެޓް، ޕިއަރ-ޓު-ޕިއަރ ޓްރާންސްފާ، ފަވަރަ ޓްރާންސްފަރ އަދި މިލަށް ފައިސާ ދެއްކުންފަދަ ކަސްޓަމަރުންނަށް ބޭނުންތެރި ހިދުމަތްތައް ހިމެނެއެވެ. 

ދިރާގުން މައުލޫމާތު ދޭގޮތުގައި މި ހާއްސަ ޕްރޮމޯޝަނަކީ ދިރާގުޕޭ ކަސްޓަމަރުންގެ އަގު ވަޒަން ކުރުމުގެ އިތުރުން ރާއްޖޭގައި ފައިސާގެ މުއާމަލާތްތައް ކުރުމަށް ޑިޖިޓަލް ވަސީލަތްތައް ބޭނުންކުރުމަށް ޝައުގުވެރިކަން އިތުރުކުރުމުގެ މަގުސަދުގައި ކުރިއަށްގެންދާ ޕްރޮމޯޝަނެކެވެ. އަދި ދިރާގު ޕިންޓެކްގެ އަމާޒަކީ ކަސްޓަމަރުންނަށް އިތުރު ލުއި ފަސޭހަތައް ލިބޭޮ ޕިންޓެކް ސޮލިއުޝަންތައް ފޮރުކޮށްދިނުންކަމަށް ވެސް ދިރާގުން ބުނެފައިވެއެވެ.