އެސްޓީއޯއިން ކޮންމެ އަހަރަކުވެސް ރަމަޟާންމަހަށް ހާއްސަކޮށްގެން ބާއްވަމުން އަންނަ ރަމަޟާން ބާޒާރުގެ މިއަހަރުގެ ޕްރޮމޯޝަން ފަށައިފިއެވެ.

މިކަމަށްޓަކައި އެސްޓީއޯ ޕީޕަލްސް ޗޮއިސްގައި ބޭއްވުނު ހާއްސަ ހަފްލާއެއްގައި ރަމަޟާން ބާޒާރު ފައްޓަވައިދެއްވީ އެޗްޑީސީގެ ޗެއަރމަން އަދި އެސްޓީއޯގެ ކުރީގެ އެންޑީ އަހުމަދު ޝަހީރުއެވެ. އެސްޓީއޯއިން ބުނީ މިފަހަރުގެ ރަމަމާން ބާޒާރު އަންނަ އަހަރުގެ މާރޗްމަހުގެ 18 ވަނަ ދުވަހުގެ ނިޔަލަށް ކުރިއަށްދާނޭކަމަށެވެ.

އެސްޓީއޯ ރަމަޟާން ބާޒާރަކީ ރޯދަމަހަށް ހާއްސަކޮށްގެން އާންމުންގެ ގެތަކަށް ބޭނުންވާ ކޮލިޓީ ހިފާ ގެންގުޅޭ ސާމާނު ހެޔޮ އަގެއްގައި އާއްމުނަށް ވިއްކުމަށް ކުރިއަށްގެންދާ ޕްރޮމޯޝަނެކެވެ.

އެސްޓީއޯ ރަމަޟާން ބާޒާރު 

ރަަމަޟާން ބާޒާރުގައި މިފަހަރުވެސް ކަސްޓަމަރުންނަށް ހާއްސަ އިނާމްތަކެއް ވަނީ ކަނޑައެޅިފައެވެ. އެގޮތުން އެހެން އަހަރުތަކެކޭވެސް އެއްގޮތަށް މި އަހަރުގެ ރަމަޒާން ބާޒާރުގައިވެސް ގިނަ ޕްރޮޑަކްޓްތަކަކުން އަގުހުރި ޑިސްކައުންޓްތަކެއް ލިބިގެންދާއިރު، ހޮވާލެވިފައިވާ ހޯމް އެޕްލަޔަންސް އައިޓަމްތަކުން %50 އާއި ހަމައަށް ޑިސްކައުންޓް ދެއެވެ.

އެސްޓީއޯއިން ބުނީ ކޮންމެ ހަފްތާއަކުވެސް މި ކޫޕަންތައް ލިބޭ ކަސްޓަމަރުންގެ ތެރެއިން 1 ފަރާތަކަށް ވަރަށް ހާއްސަ ގިފްޓް ހެމްޕަރެއް ލިބިގެންދާނެއެވެ. އަދި ޕްރޮމޯޝަން ނިމުމާއިއެކު، ޕްރޮމޯޝަންގެ މުއްދަތުގައި ވިޔަފާރިކޮށް ކޫޕަން ލިބުނު ހުރިހާ ކަސްޓަމަރުންގެ މެދުގައި ނެގޭ ގުރުއަތަކުން ހޮވޭ ނަސީބުވެރި 1 ފަރާތަކަށް ޕްރޮމޯޝަންގެ ގެ ގްރޭންޑް ޕްރައިޒް ކަމުގައިވާ 100،000ރ ގެ ފައިސާގެ އިނާމު ލިބިގެންދާނެއެވެ.

އެސްޓީއޯ ރަމަޟާން ބާޒާރު ޕްރޮމޯޝަން ޕީޕަލްސް ޗޮއިސްގެ އިތުރުން ވިލިމާލެ ފިހާރަ އަދި ރީޖަނަލްސްގެ 11 އައުޓްލެޓްގައި ކުރިއަށްދާނޭކަމަށް އެސްޓީއޯއިން ބުނެއެވެ.