ޕާސްޕޯޓް ހިފެހެއްޓުމަށް ފަހު ޝަމްއާން ބަންދުން ދޫކޮށްލައިފި
ކުރީގެ އިމިގްރޭޝަން ކޮންޓްރޯލާ މުޙައްމަދު ޝަމްޢާން ވަޙީދު ބަންދުން ދޫކޮށްލައިފި އެވެ.
ކޯޓުން އެ ގޮތަށް ނިންމީ އޭނާގެ މައްޗަށް ކްރިމިނަލް ކޯޓަށް ހުށަހަޅާފައިވާ ދަޢުވާތަކާ ގުޅިގެން މައިގަނޑު ހެކިންގެ ހެކިބަސް ނަގައި ނިމިފައިވާތީ އަދި ހެއްކަށް ނުފޫޒު ފޯރުވުމުގެ އިޙްތިމާލު ކުޑަވެފައިވާކަމަށް ފެންނާތީ، ޝަރުތުތަކަކާއެކު އޭނާ ބަންދުން ދޫކޮށްލުމަށް ދައުލަތުން ކޯޓުގައި އެދުމުންނެވެ.
ނަމަވެސް ބަންދުން ދޫކޮށްލާފައިވަނީ ޕާސްޕޯޓް ހިފެހެއްޓުމަށް ފަހު އެވެ.
ޝައްމާން, ޝަރީޢަތް ނިމެންދެން ބަންދުކުރަން ދަށު ކޯޓުން ނިންމި ނިންމުން މަތީ ދެ މަރުހަލާގައި އިސްތިއުފާނު ކުރިނަމަވެސް އޭރު ހައިކޯޓާއި ސުޕްރީމް ކޯޓުން ވެސް ވަނީ ޝަމްއާން ބަންދުން ދޫނުކުރަން ނިންމާ ދަށު ކޯޓްގެ ހުކުމަށް ތާއީދު ކޮށްފަ އެވެ.
މަގާމުގެ ނުފޫޒު ބޭނުންކޮށްގެން ބިދޭސީ ބައެއްގެ އަތުން ނާޖާއިޒު މަންފާ ނެގި ކަމަށް ބުނާ މައްސަލާގައި ކޯޓުއަމުރެއްގެ ދަށުން ޝަމްއާން ހައްޔަރުކުރީ މިދިޔަ މާޗު 21 ގަ އެވެ.
ޝަމްއާންގެ މައްޗަށް ތިން ދައުވާއެއް އުފުލާ ކްރިމިނަލް ކޯޓަށް މައްސަލަ އޮތީ ފޮނުވާފަ އެވެ. އޭނާގެ މައްޗަށް އުފުލާފައި ވަނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އާއި މަނީ ލޯންޑްރިންގެ ދައުވާ އާއި ފޭރުމުގައި ބައިވެރިވުމުގެ ކުށުގެ ދައުވާ އެވެ.
މި ދައުވާތައް ސާބިތުވެއްޖެނަމަ ވިއްސަކަށް އަހަރުގެ ޖަލު ހުކުމެއް އަންނާނެ އެވެ.
Advertisement
This content is created and paid for by advertisers and does not involve Voice Journalists
