ކުރިއަށްއޮތް ލޯކަލް ކައުންސިލްގައި ވެރިކަން ކުރާ ޕީއެންސީގެ ފަރާތުން ވާދަކުރާ ކެނޑިޑޭޓުން ކަނޑައެޅުމަށް ބާއްވާ ޕްރައިމަރީގެ ވޯޓުލުން ފަށައިފިއެވެ.
މާލެއާ އަތޮޅުތަކުގައި ކުރިއަށްދާ ޕްރައިމަރީގައި މިފަހަރު ރެކޯޑް އަދަދަކަށް މެމްބަރުން ކުރިމަތިލާފައިވާކަމަށް ޕީއެންސީން ވަނީ ބުނެފައެވެ. އެގޮތުން ހުރިހާ ދާއިރާތަކަށްވެސް ޕީއެންސީގެ މެމްބަރުން ކުރިމަތިލާކަމަށް އެ ޕާޓީން ވަނީ ބުނެފައެވެ.
ޕީއެންސީ ޕްރައިމަރީ ވޯޓުލުން...
ޕީއެންސީން އެޕާޓީގެ ޓިކެޓްގައި ވާދަކުރުމަށް ބޭނުންވާ ފަރާތްތަކަށް އެ ފުރުސަތު ހުޅުވާލާފައިވަނީ މިހިނގާ ޑިސެމްބަރުމަހުން ފެށިގެންނެވެ.
ލޯކަލް ކައުންސިލްގައި ޕީއެންސީގެ ގޮނޑިތައް ހޯދުމަށް ޕްރައިމަރީގައި 300 އަށްވުރެ ގިނަ ކެނޑިޑޭޓުން ވާދަކުރާއިރު، ކައުންސިލްތަކަށް އެކަނިވެސް 300 އަދި އަންހެނުންގެ ކޮމިޓީތަކަށް 100 އަށްވުރެ ގިނަ މެމްބަރުން ވާދަކުރެއެވެ. ޕްރައިމަރީ ވޯޓުލުން ކުރިއަށްގެންދިއުމަށް ނިންމާފައިވަނީ ހަވީރު 16:00 ހަމައަށެވެ.
ޕްރައިމަރީ ވޯޓުލުން އަތޮޅޫތެރޭގެ ރަށްތަކުގައި ފަށައިގެން ކުރިއަށްދާއިރު، މާލޭގައި ވޯޓުލުން ކުރިއަށްދަނީ އިސްކަންދަރު ސްކޫލްގައެވެ.
Advertisement
This content is created and paid for by advertisers and does not involve Voice Journalists
