އެލައިޑް އިންޝުއަރެންސް ކޮމްޕެނީން އިން  ދަތުރުފަތުރުގައި ދިމާވެދާނެ ނުރައްކާތަކުން ރައްކާތެރިވުމަށް އިސްލާމީ ޝަރީޢާއާ އެއްގޮތަށް ތައްޔާރުކޮށްފައިވާ "ޓްރެވެލް ތަކާފުލް" ޕްލޭނަކީ ފަސޭހަވެފައި، އަވަސް ގޮތެއްގައި ނެގޭނެ ޕްލޭނެކެވެ.

މި ތަކާފުލް ޕްލޭނުގެ ދަށުން ދަތުރުފަތުރުގައި ކުރިމަތިވެދާނެ ޞިއްޙީ ކުއްލި ހާލަތްތަކާއި، ދަތުރުފަތުރުގެ ލިޔެކިޔުންތައް ގެއްލުމާއި، ލަގެޖު ލަސްވުމާއި، ދަތުރު ކެންސަލްވުމާއި އަދި ހަމަ އިތުރު މުހިންމު ކަންކަމުގައި ރައްކާތެރިކަން ލިބިދެއެވެ. މި ޕްލޭނުގެ ދަށުން ކަސްޓަމަރުންނަށް ޕްރިމިއަރ، އެލީޓް އަދި ކޮންޓިނެންޓަލް އޮޕްޝަންތަކުގެ ތެރެއިން ޚިޔާރުކުރެވޭނެއެވެ. މި އޮޕްޝަންތަކުގައި ދުނިޔޭގެ އެކި ސަރަޙައްދުތަކަށް ދަތުރުކުރުމަށް އެކި މިންވަރުގެ ރައްކާތެރިކަން ހިމެނެއެވެ.

މީގެ އިތުރުން، ކޮވިޑް-19 އާ ގުޅޭ އިތުރު ރައްކާތެރިކަމެއްވެސް ޚިޔާރުކުރެވޭނެއެވެ. މީގެ ތެރޭގައި އައިސޮލޭޝަން، ފަރުވާ އަދި މެޑިކަލް އިވެކުއޭޝަން ހިމެނެއެވެ.

މި ޚިދުމަތް ހޯދުމަށް ޝައުޤުވެރިވާ ފަރާތްތަކަށް MyAllied.mv ޕޯޓަލް މެދުވެރިކޮށް ފަސޭހަކަމާއެކު އޮންލައިންކޮށް ޚިދުމަތް ހޯދިދާނެއެވެ. އެލައިޑް ތަކާފުލްއިން މަޢުލޫމާތު ދެއްވާފައިވާ ގޮތުގައި މި ޚިދުމަތަކީ ރާއްޖެއިން ފުރާ ފަރާތްތަކަށް ބޭރު ޤައުމުތަކަށް ކުރާ ދަތުރުތަކުގައި އިތުރު ޔަޤީންކަމާއި ރައްކާތެރިކަން ފޯރުކޮށްދިނުމަށް ތަޢާރަފުކޮށްފައިވާ ޕްލޭނެކެވެ.

މި ޚިދުމަތާއެކު، ބޭރު ޤައުމުތަކަށް ކުރާ ދަތުރުތަކުގައި އިތުރު ހިތްހަމަޖެހުމަކާއި ރައްކާތެރިކަމެއް ލިބިގެންދާނެ ކަމަށް އެލައިޑް ތަކާފުލްއިން ފާހަގަކުރައްވައެވެ.