ފެންވަޅެއް ބިނާ ކޮށްގެން ފަލަސްޠީނުގެ ޣައްޒާގައި ދިރިއުޅެމުންދާ ރައްޔިތުންނަށް ސާފު ބޯފެން ފޯރުކޮށްދިނުމުގެ ފުރުސަތު ދިވެހިންނަށް ހުޅުވާލައިފިއެވެ.

އިންޓަނޭޝަނަލް އެއިޑް ކެންޕެއިން (އައިއޭސީ) އިން "ތަޖްރީ" ގެ ނަމުގައި ހިންގާ ޞަދަޤާ ޖާރިޔާގައި ދުނިޔޭގެ އެކި ކަންކޮޅުތަކުގައި ހާލުގައި ދިރިއުޅެމުންދާ މުސްލިމުންނަށް ފެންވަޅު ބިނާ ކޮށްދިނުމުގެ ފުރުސަތު ދިވެހިންނަށް ހުޅުވާލާފައިވާއިރު، މިހާރު އެ ކެންޕެއިންގެ ދަށުން ޣައްޒާގައިވެސް ފެންވަޅު ބިނާ ކުރުމުގެ މަސައްކަތް ފެށިފައިވާ ކަމަށް އެ ޖަމިއްޔާއިން ވަނީ ބުނެފައެވެ. 

މި ހެޔޮ މަސައްކަތުގައި ބައިވެރިވެ، ޞަދަޤާ ޖާރިޔާގެ ޘަވާބު ހާސިލް ކުރުމަށް އެދޭ ފަރާތްތަކުން، "ތަޖްރީ" އަށް އެހީވުމަށް ތިރީގައިވާ އެކައުންޓައް ފަްިސާ ޖަމާކުރުމުން އެކަން ހަމަޖެހިގެންދާނެ ކަމަށް އައިއޭސީން ބުނެއެވެ.

ބީއެމްއެލް އިސްލާމިކް: 7770000062742

އިސްލާމިކްބޭންކް: 90101555002111002

އެކައުންޓް ލޭބަލް: Sadaqa Jaariya

އައިއޭސީގެ "ތަޖްރީ" ކެންޕެއިންގެ ތެރެއިން ދެމިގެން ދަނިވި ޞަދަޤާތުގެ އެތައް ޕްރޮޖެކްޓްތަކެއް މިހާރުވެސް އަންނަނީ ހިންގަމުންނެވެ. މި ކެންޕެއިންގެ ދަށުން އެމީހެއް ނުވަތަ އެމީހެއްގެ ޢާއިލާގެ މީހެއްގެ ނަމުގައިވެސް ފެންވަޅު ބިނާ ކުރުމުގެ ފުރުސަތު އޮވެއެވެ. މިއީ ތިމާ ނުވަތަ އެ ގާތްތިމާގެ ފަރާތް ނޫނީ ރަހުމަތްތެރިޔާ މަރުވެދިޔުމަށްފަހުވެސް ޘަވާބު ލިބިލިބި ހުންނާނެ ދިމެގެންދާ ޞަދަޤާތެކެވެ.

"ތަޖްރީ" ގެ ހާއްސަ ކަމަކީ އެމީހަކަށް ދެވުނު މިންވަރެއް ދީގެން މި ޕްރޮޖެކްޓްތަކުގައި ބައިވެރި ވެވުމުގެ ފުރުޞަތު ހުޅުވާލެވިފައިވުމެވެ.

އިސްރާއިލުން ޣައްޒާގައި ހިންގި އަދި ހިންގަމުންދާ ޤަތުލުޢާއްމާ ގުޅިގެން އެތައް ބައެއްގެ ގެދޮރު ގެއްލި، ދަތިހާލުގައި ދިރިއުޅެމުންދާއިރު، އެ މުސްލިމު އަޚުންނާއި އުޚުތުންނަށް ސާފު ބޯފެން ލިބުންވެސް ވަނީ ވަރަށް ދަތި ކަމަކަށް ވެފައެވެ.

އޭގެ ސަބަބުން ޑީހައިޑްރޭޓް ވުމާއި، ސާފު ބޯފެން ނުލިބުމުގެ ސަބަބުން ޖެހޭ ބަލިތައްވެސް ފެތުރިފައިވާކަމަށް ޣައްޒާގެ ސިއްޙަތާބެހޭ ވުޒާރާއިން ބުނެފައިވެއެވެ. 

އައިއޭސީގެ މި މަޝްރޫޢުގެ ސަބަބުން ޣައްޒާގެ ރައްޔިތުންނަށް ސާފު ބޯފެނުގެ ލިބުމުގެ ފުރުޞަތު ފަހިވެގެންދާނެއެވެ.

އައިއޭސީން ބުނެފައިވާ ގޮތުގައި، އެ ޖަމިއްޔާއިން ހިންގާ ޕްރޮޖެކްޓްތަކުގެ އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭ ގޮތަށެވެ.