ކަޕްވިނާސްކަޕް ފުޓްބޯޅަ މުބާރާތުގައި މިއަދު ނިއުރެޑިއަންޓް ސްޕޯޓްސް ކްލަބާއި ބުރު ސްޕޯޓްސް ބައްދަލުކުރިމެޗް ފަސޭހަކަމާއެކު ނިއު ކާމިޔާބުކޮށްފިއެވެ.
ގަލޮޅު ދަނޑުގައި ކުޅުނު މިމެޗް ނިއު ކާމިޔާބުކުރީ 5-0 ގެ ނަތީޖާއިންނެވެ. މެޗްގައި ނިއުއަށް ގޯލް ހުޅުވާލަދިނީ މި ސީޒަނަށް އެޓީމަށް އަލަށް ގެނައި ބްރެޒިލްގެ ތަޖުރިބާކާރު ފޯވަޑް ޑޮރިއެލްޓަން ގޯމޭޒް އެވެ. މިމެޗްގެ ފުރަތަމަ ހާފް 1-0 ގެ ނަތީޖާއިން ނިމުނުއިރު މި ހާފްގައި ޑޮރިއެލްޓަންއަށް ވަނީ ލަނޑުޖަހާނެ ރަނގަޅު ފުރުސަތުތައް ލިބިފައެވެ.
ދެވަނަ ހާފްގައި ފެނިގެންދިޔަ ފުރަތަމަ ލަނޑު ނިއުއަށް ޖަހައިދިނީވެސް ފުރަތަމަ ލަނޑު ޖަހައިދިން ޑޮރިއެލްޓަން އެވެ. މި ހާފްގައި ނިއުގެ ފަރާތުން މޮޅު ކުޅުމެއް ފެނިގެންދިޔައިރު ބުރުގެ ގޯލަށް އަމާޒުކޮށް ގިނަ ހަމަލާތަކެއް ވަނީ ފޮނުވާލާފައެވެ. ނިއުގެ ތިންވަނަ ލަނޑު ޑޮރިއެލްޓަން ކާމިޔާބުކޮށް އޭނާ ވަނީ އެޓީމަށް ކުޅެދިން ފުރަތަމަ މެޗްގައިގައި ހެޓްރިކް ހެދުމުގެ ޝަރަފް ހޯދާފައެވެ.
ނިއުރޭޑިއަންޓްގެ ހަތަރުވަނަ ލަނޑު ކާމިޔާބުކޮށްދިނީ އަލީ ފާސިރު، ސެންޓޭ އެވެ. ފަސްވަނަ ލަނޑު ޖަހައިދިނީ ބިލިޓީއެވެ. މެޗްގެ މޮޅު ކުޅުންތެރިޔާގެ މަގާމް ހޯދާފައިވަނީ، މެޗްގައި މޮޅު ކުޅުމެއް ދައްކައި ހެޓްރިކް ހެދި ޑޮރިއެލްޓަން އެވެ.
މި މުބާރާތް ކުރިއަށްދާނީ ލީގް އުސޫލުން އެންމެ ގިނަ ޕޮއިންޓް ހޯދާ ދެޓީމް ފައިނަލުގައު ކުޅޭ ގޮތަށެވެ.
Advertisement
This content is created and paid for by advertisers and does not involve Voice Journalists
