މުރައިދޫގައި މިހާރު ކުރިއަށްދާ މަންތާ އެއާ މުރައިދޫ ވެޓަރަންސް ވޮލީ މުބާރާތުގެ ފައިނަލުގެ ފުރަތަމަ ޖާގަ ހަނިމާދޫ ހޯދައިފިއެވެ.
މުބާރާތުގެ ފައިނަލަށް ހަނިމާދޫ ދަތުރުކުރީ ކެލައާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. މިމެޗް ކެލާގެ މައްޗަށް ހަނިމާދޫ ކުރި ހޯދީ ސީދާ ތިންސެޓުންނެވެ.
ވަރަށް ވާދަވެރި ކުޅުމެއް ފެނިގެންދިޔަ މި މެޗްގެ ފުރަތަމަ ސެޓް ހަނިމާދޫ ޓީމުން ގެންދިޔައީ 25-23 ހުންނެވެ. ދެވަނަ ސެޓް 25-20 ގެންދިޔައިރު ފަހުސެޓް ހަނިމާދޫ ގެންގޮސްފައިވަނީ 25-17 އިންނެވެ.
މި މެޗްގެ މޮޅު ކުޅުންތެރިޔާގެ މަގާމް ހޯދާފައިވަނީ ހަނިމާދޫ ޓީމްގެ ޖާޒީ ނަމްބަރު 16 ސާދިޤް މޫސާއެވެ.
މޮޅުކުޅުންތެރިޔާގެ މަގާމް ހޯދި ސާދިޤް
ހަނިމާދޫއިން ކެލާ ބަލިކޮށް ފައިނަލަށް ދަތުރުކުރިއިރު، މުބާރާތުގައި ފުރަތަމަ ބުރުގައި ކެލާ އާ ދެކޮޅަށް ކުޅުނު މެޗްވެސް ކާމިޔާބުކުރީ ހަނިމާދޫއެވެ.
Advertisement
This content is created and paid for by advertisers and does not involve Voice Journalists
