ކ. ކާށިދޫގައި މިހާރު ކުރިއަށްދާ "ކާށިދޫ ޔޫތް ޓްރޮފީ 2026" ވިމެންސް ހޭންޑްބޯލް މުބާރާތުގައި އެންޖީ ސްޓާޓިންނާ އެންޖީ ޖޫނިއާސް ބައްދަލުކުރިމެޗް ހަނިގޮތަކަށް އެންޖީ ޖޫނިއާސް ކާމިޔާބުކޮށްފިއެވެ.

މިމެޗް ސްޓާޓިންގެ މައްޗަށް ޖޫނިއާސް ކުރި ހޯދީ 11-10 ގެ ނަތީޖާއިންނެވެ. މިމެޗްގައި ދެޓީމްގެ ފަރާތުންވެސް ވަރަށް ވާދަވެރި ކުޅުމެއް ފެނިގެންގޮސްފައިވާއިރު، އެންމެ ފަހު ވަގުތާ ހަމަޔަށް ޖެހެންދެންވެސް ސްޓާޓިން ޓީމުން ވަނީ މޮޅުވުމަށް މަސައްކަތްކޮށްފައެވެ.

ސްޓާޓިން އަތުން ޖޫނިއާސް ބައްދަލުކުރިމެޗްގެ ތެރެއިން..

މިމެޗްގެ ކުއީންސް އޮފް ދަ މެޗްގެ މަގާމް ހޯދީ އެންޖީ ޖޫނިއާސްގެ ޖާޒީ ނަމްބަރު 30 އާއިޝަތު އިރާ އިބްރާހީމެވެ. 

މި މުބާރާތުގައި މީގެ ކުރިން އެންޖީ ޖޫނިއާސް ޓީމް ނައިން އެކްސްއާ ބައްދަލުކުރިމެޗްވެސް ޖޫނިއާސް އިން ވަނީ ކާމިޔާބުކޮށްފައެވެ.