ކުދި އަދި މެދު ފަންތީގެ ވިޔަފާރިތަކަށް ވެމްކޯއިން ކުނި އުކާލުމުގައި ނަގާ ފީ ކުޑަކުރަން ނިންމައިފި އެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މި ނިންމެވުން ހާމަކޮށް ވެމްކޯ އިން ބުނީ ރައީސުލްޖުމްހޫރިއްޔާގެ ވައުދުފުޅާއި އެއްގޮތަށް ކުދި އަދި މެދު ފަންތީގެ ވިޔަފާރިތަކަށް ވެމްކޯއިން ކުނި އުކާލުމުގައި ނަގާ ފީ ކުޑަކުރެއްވުމަށް ނިންމަވާފައިވާ ކަމަށެވެ.
އެ ކުންފުނިން އިތުރަށް ބުނީ ކުނި އުކާލުމުގައި ކުދި އަދި މެދު ފަންތީގެ ވިޔަފާރިތަކުން މިހާރު ނަގަމުން އަންނަ ފީ ފެބްރުއަރީ 1, 2026 އިން ފެށިގެން ލުއި ދިނުމަށް ނިންމާފައިވާ ކަމަށެވެ. އަދި މިވަގުތު އެސްއެމްއީ ތަކުން ނަގާ ފީ ކުޑަކުރުމުގެ ގޮތުން ވަކި ބޭންޑުތަކެއް ތައާރަފުކުރުމަށް މަޝްވަރާ ކުރަމުންދާ ކަމަށް ވެސް ވަނީ ބުނެފަ އެވެ.
މި މަޝްވަރާތަކަށް ފަހު ކަނޑައެޅޭ ބޭންޑުތައް އެ ކޯޕަރޭޝަނުން ހިއްސާކުރަމުންދާނެ ކަމަށް ވަނީ ބުނެފަ އެވެ.
ކުދި އަދި މެދު ފަންތީގެ ވިޔަފާރިވެރީންނާއެކު ދާދި ފަހުން ރައީސުލްޖުމްހޫރިއްޔާ ބޭއްވެވި ބައްދަލްވުމުގައި ކުނި އުކާލުމުގެ އަގު ބޮޑު ކަމަށް ބުނެ ބައެއް ވިޔަފާރިވެރީން ވަނީ ޝަކުވާ އުުފުލާފަ އެވެ.
Advertisement
This content is created and paid for by advertisers and does not involve Voice Journalists
