މާދަމާ އޮންނަ އިންތިހާބުގައި އެމްޑީޕީ ގެ ހުރިހާ މެންބަރުން ބައިވެރިވުމަށް ޝާހިދު ގޮވާލައިފި
މާދަމައަކީ 2026 ވަނަ އަހަރުގެ ލޯކަލް ކައުންސިލް އިންތިޚާބުގެ އެމްޑީޕީގެ ޕްރައިމެރީގެ ވޯޓުލުން އޮންނަ ދުވަސް ކަމަށްވުމުން އެ ޕާޓީގެ ހުރިހާ މެންބަރުން ނުކުމެވަޑައިގެން މި ވޯޓުގައި ބައިވެރިވަޑައިގަތުމަށް އެމްޑީޕީގެ ރައީސް އަބްދުﷲ ޝާހިދު ގޮވާލައްވައިފިއެވެ.
މިއަދު އެކްސްގައި ކުރެއްވި ޓްވީޓެއްގައި ޝާހިދު ވަނީ މިފަދައިން ގޮވާލައްވާ، ވޯޓުގެ ކަންތައްތައް އޮމާންކޮށް ސުލްޙަވެރިކަމާއެކު ގެންގޮސްދެއްވުމަށްވެސް އެދިވަޑައިގަނެފައެވެ.
އަދި ޕްރައިމެރީ ކާމިޔާބުކުރައްވާ ބޭފުޅުންނާއެކު ވާދަކުރެއްވި ހުރިހާ ބޭފުޅުން ވެސް ނުކުމެވަޑައިގެން މި އަހަރުގެ ކައުންސިލް އިންތިޚާބު އެމްޑީޕީއަށް ކާމިޔާބުކޮށްދެއްވުމަށްވެސް ޝާހިދު އެދިވަޑައިގެންފައިވެއެވެ.
މި ޓްވީޓުގައި ޝާހިދު އިތުރަށް ވިދާޅުވީ މި ސަރުކާރަކީ ދޮގާއި މަކަރާއި ހީލަތާއި ފަސާދައިގެ މައްޗަށް ބިނާކޮށްފައިވާ ސަރުކާރެއް ކަމަށާއި، މި ސަރުކާރު ބަލިކޮށްލުން އެއީ މިއަދު ކޮންމެހެންވެސް ކުރަންޖެހިފައިވާ ކަމެއް ކަމަށެވެ.
އަދި މިކަން ކުރެވޭން ގޮތަކީ އެމްޑީޕީގެ ކެންޑިޑޭޓުންނަށް ލޯކަލް ކައުންސިލް އިންތިޚާބުގައި ވޯޓުދެއްވުންކަމަށްވެސް މި ޓްވީޓުގައި ޝާހިދު ވިދާލުވިއެވެ.
Advertisement
This content is created and paid for by advertisers and does not involve Voice Journalists
