ހާފިޒުން ދަސްވެނިވުމުގެ ހަފްލާ މި އަހަރު އޮންނާނީ ރަމަޟާން މަހުގެ 12 - އެކެއް މާރިޗް ވާ އާދީއްތަ ދުވަހުގެ ރޭ ކަމަށް އިސްލާމިކް މިނިސްޓްރީން ބުނެފި އެވެ.
އެކަން މިނިސްޓަރު ޝަހީމް ވަނީ ހާމަ ކުރައްވާފަ އެވެ. މިނިސްޓަރު ވިދާޅުވި ގޮތުގައި ހާފިޒުން ދަސްވެނިވުމުގެ ހަފްލާ މި އަހަރު އޮންނާނީ ރަމަޟާން މަހުގެ 12 - އެކެއް މާރިޗް ވާ އާދީއްތަ ދުވަހުގެ ރެ އެވެ.
ހާފިޒުންގެ ދަސްވެނިވުމުގެ ރަސްމިއްޔާތުގައި 42 ދަރިވަރުން ދަސްވެނިވާނެ ކަމަށް މިނިސްޓަރު ކުރީން ވަނީ ވިދާޅުވެފަ އެވެ. މި އަހަރު މިހާތަނަށް 21 ކުއްޖަކު ޤުރުއާން ހިތު ދަސްކޮށްނިންމައި އިމްތިހާން ހަދާފައިވެ އެވެ.
އަދި 7 ކުއްޖެއްގެ އިމްތިހާނު މިހާރު ކުރިއަށްދާއިރު 1 ކުއްޖަކު އިމްތިހާނަށް ތައްޔާރުވެފައިވެ އެވެ.
މިނިސްޓްރީގެ އަމާޒަކީ ރައީސް މުޢިއްޒުގެ މި ދައުރުގައި ހާފިޒުންގެ އަދަދު 500 އަށް ގެންދިއުން ކަމަށް މީގެ ކުރިން ޝަހީމް ވަނީ ވިދާޅުވެފައެވެ.
ހާފިޒުންގެ އަދަދު އިތުރުކޮށް ގުރުއާނަަށް ލޯބިކުރާނެ ޖީލެއް ބިނާކުރުމަށް ހިތްވަރު ދެއްވުމަށް ރައީސް ވަނީ ހާފިޒުންގެ އެލަވަންސް މިދިޔަ ޖޫން މަހު ދެގުނަ ބޮޑު ކުރައްވާފައެވެ.
Advertisement
This content is created and paid for by advertisers and does not involve Voice Journalists
