ސަރުކާރުން ފަށާފައިވާ ތަރައްޤީގެ ކަންކަން ސްޕީޑްގައި ކުރިއަށްދާނީ، ސަރުކާރުގެ ކެނޑިޑޭޓުންނަށް ވޯޓުދީގެންކަމަށް ކޮންގްރެސް ޕާޓީގެ ޕީޖީ ލީޑަރު އިބްރާހިމް ފަލާހް ވިދާޅުވެއްޖެއެވެ.

ކޮންގްރެސްޕާޓީގެ ފަރާތުން މާލޭގެ މޭޔަރުކަމަށް ނިކުންނަ ކެނޑިޑޭޓާއި، ވިލިމާލޭގެ ގޮނޑިތަކަށް ނިކުންނަ ކެނޑިޑޭޓުން ވިލިމާލޭ ރައްޔިތުންނާ ބައްދަލުކުރުމަށް މިރޭ ބޭއްވި ޖަލްސާގައި ވާހަކަަދއްކަވަމުން ފަލާހް ވަނީ، ކުރިއަށްއޮތރް ލޯކަލް ކައުންސިލް އިންތިހާބަށް ސަރުކާރުގެ ފަރާތުން ކުރިމަތިލާ ކެނޑިޑޭޓުންނަށް ވިޓުދިނުމުގެ މުހިންމުކަމާ ގުޅޭގޮތުން ވާހަކަ ދައްކަވާފައެވެ.

ފަލާހް ވިދާޅުވީ ސަރުކާރުގެ ފަރާތުން ކުރިމަތިލާ ކެނޑިޑޭޓުންނަށް ވޯޓު ހޯދަން އެދެންޖެހެނީ ސަބަބުތަކެއް ހުރެގެންކަމަށާއި، އެންމެބޮޑު އެއްސަބަބަކީ ރައްޔިތުންނަށް ބޭނުންވާ ތަރައްޤީގެ ކަންކަމުގައި އިދިކޮޅު މެމްބަރުންގެ ފަރާތުން އެެއްބާރުލުން ނުދޭތަނުގައި ރައްޔިތުންގެ ކުރިއެރުމާ ގުޅޭ ކަންކަމަށް ޖެއްސުން ކުރަމުންދިއުންކަމަށެވެ.

ބައެއް ކައުންސިލްތަކުން ސަރުކާރުގެ މަޝްރޫޢުތައް ހިންގުމަށް ދަތިކުރަމުންދާކަން ފާަހަގަކުރަމުން ފަލާހް ވިދާޅުވީ، ޕީއެންސީގެ ފަރާތުން ކުރިމަތިލާ ކެނޑިޑޭޓުންނަށް ރައްޔިތުން ވޯޓުދޭންޖެހޭ މައިގަނޑު ސަބަބަކީ ރާއްޖޭގެ އެކި ކަންކޮޅުތަކުގައި ސަރުކާރުން ފަށާފައިހުރި މަޝްރޫޢުތައް އަވަހަށް ނިންމުމަށްކަމަށެވެ. ފަލާހް ވިދާޅުވީ މާލެ ސަރަހައްދުން އެކަނިވެސް ނިމިގެންދިޔަ ހަފްތާގެ ތެރޭގައި ގިނަ އަދަދެއްގެ ގޯއްޗާއި ފްލެޓްތައް ދޫކުރުމަށް އިއުލާނުކޮށްފައިވާކަމަށެވެ. ދެޕާޓީއެއްގެ ދެމެދުގައި އޮންނަ ވާދަވެރިކަމެއްގެ ތެރޭގައި ޕީއެންސީގެ ކެނޑިޑޭޓުންނަށް ވޯޓުނުލާންވީ ސަބަބެއްނެތްކަމަށް ފަލާހް ވަނީ ފާހަގަކުރައްވާފައެވެ.

ފަލާހް ވަނީ އިދިކޮޅު ޕާޓީތަކަށް ނިސްބަތްވާ ރައްޔިތުންނަށް ޕީއެންސީގެ ކެނޑިޑޭޓުންނަށް ވޯޓުދިނުމަށް ގޮވާލާފައެވެ.

ލޯކަލް ކައުންސިލް އިންތިހާބަށް ކުރިމަތިލުމަށް އިލެކްޝަނުން ހުޅުވާލާފައިވާއިރު، މިފަހަރުގެ އިންތިހާބަށް ޕީއެންސީގެ ފަރާތުން ޕްރައިމަރީގައި ރެކޯޑް އަދަދަކަށް ކެނޑިޑޭޓުން ވާދަކޮށްފައިވާކަމަށް އެޕާޓީން ވަނީ ބުނެފައެވެ.

ލޯކަލް ކައުންސިލް އިންތިހާބު ބޭއްވުމަށް ނިންމާފައިވަނީ، އަންނަ އޭޕްރިލްމަހުގެ 4 ވާ ހޮނިހިރު ދުވަހުއެވެ. އިންތިހާބު ކުރިއަށްގެންދިއުމަށް ހަމަޖެހިފައިވަނީ، އެދުވަހުގެ ހެނދުނު 8:00 ން 16:00 އަށެވެ. އަދި ވޯޓު ގުނަން ފަށާނީ، ވޯޓު ނަގާ ނިމޭތާ 30 (ތިރީސް) މިނެޓުގެ ހުސްވަގުތުކޮޅަކަށް ފަހުގައިކަމަށް އިލެކްޝަނުން ބުނެއެވެ.

ކުރިއަށްއޮތް ލޯކަލް ކައުންސިލް އިންތިހާބުގައި 225 ދާއިރާއަކަށް 678 މެމްބަރުން އިންތިހާބު ކުރުމަށް ހަމަޖެހިފައިވާއިރު، އަންހެނުްނގެ ކޮމިޓީތަކަށްވެސް ހަމަ އެ އަދަދަށް މެމްބަރުން އިންތިހާބުކުރާނެއެވެ.