ހޯމް ލޭންޑް އެންޑް ސެކިއުރިޓީ މިނިސްޓްރީގެ ސްޓޭޓް މިނިސްޓަރު އަބްދުލް މަޖީދު އިބްރާހިމް މަގާމުން ވަކިކޮށްފި އެވެ.

އެކަން ހޯމް މިނިސްޓްރީގެ އިސް އޮފިޝަލަކު ވަނީ ޔަގީން ކޮށް ދީފަ އެވެ. އޮފިޝަލް ވިދާޅުވި ރައީސުލްޖުމްހޫރިއްޔާއަށް ލިބިވަޑައިގެންފައިވާ އިހްތިޔާރާއި ބާރުގެ ދަށުން މަޖީދު، ސްޓޭޓް މިނިސްޓަރު ކަމުން ވަކިކޮށްފައިވާ ކަމަށެވެ.

ވަކިކުރި ސަބަބާއި ގުޅޭގޮތުން އިތުރު ތަފްސީލެއް ނުދެ އެވެ.

މަޖީދަކީ ހޯމް ލޭންޑްގެ ފޮރިން ލޭބާސް ޑިޕާޓްމަންޓްގެ ވެރިޔާ އެވެ. އަދި ޑީއެންއާރާއި ހަވާލުވެ ހުރީވެސް އޭނާ އެވެ.

އޭނާ އެ މަގާމުން ވަކިކުރިއިރު އޭނާއާ ގުޅުވާ ބޮޑެތި ތުހުމަތުތަކެެއް އޮތީ ފެންމަތިވެފަ އެވެ. އެގޮތުން ކޯޓާއާ ގުޅޭ ކަންކަމުގައި ނުގަވައިދުން ކަންތައްތައް ހިންގާ ކަމަށް އޮތީ ވާހަކަތަކެއް ފެތުރިފަ އެވެ. ނަމަވެސް އެއީ ކިހާ ވަރެއްގެ ހަގީގަތެއް ހިމެނޭ ވާހަކަތަކެއް ކަމެއް ސާފެއް ނުވެ އެވެ.

ސިފައިންގެ ހިދުމަތުގައި ވަރަށް ގިނަ ދުވަހު މަސައްކަތް ކުރި މަޖީދަކީ ފ. ނިލަންދޫއަށް ނިސްބަތްވާ ބޭފުޅެކެވެ.