ދ.ކުޑަހުވަދޫގައި ޑަޔަލިސިސްގެ ހިދުމަތް މިއަދު ފަށައިފި
ދ.ކުދަހުވަދޫގައި ހުންނަ އެއަތޮޅު ހޮސްޕިޓަލުގައި މިއަދު ޑަޔަލިސިސްގެ ހިދުމަތް ރަސްމީކޮށް ފަށައިފިއެވެ.
މިކަމަށްޓަކައި ކުދަހުވަދޫ ހޮސްޕިޓަލުގައި ބޭއްވި ރަސްމިއްޔާތެއްގައި ޑަޔަލިސިސްގެ ހިދުމަތް ފައްޓަވައިދެއްވީ، ހެލްތު މިނިސްޓަރު ޢަބްދުﷲ ނާޒިމެވެ.
ކުޑަހުވަދޫގައި ޑަޔަލިސިސްގެ ހިދުމަތް ތައާރަފްކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން ހެލްތު މިނިސްޓަރު ނާޒިމް ވިދާޅުވީ މި ސެންޓަރުގެ ސަބަބުން ކުޑަހުވަދޫ ކައިރި ރަށްރަށުގައި އުޅެމުންދާ ކޮޑްނީ ބަލިމީހުންނަށް ވަރަށްބޮޑު ލުއިފަސޭހަކަމެއް ލިބިގެންދާނެ ކަމަށެވެ. އެގޮތުން ޑަޔަލިސިސްގެ ހިދުމަތް ހޯދުމަށް ކުރަމުން އަންނަ ދިގު ދަތުރުތައް ހުއްޓުމަކަށް އަންނާނެކަން މިނިސްޓަރު ފާހަގަކުރެއްވިއެވެ.
ކުޑަހުވަދޫގައި ހުޅުވިގެންދިޔަ ޑަޔަލިސިސް ސެންޓަރަކީ އެއްފަހަރާ 3 މީހުންނަށް ހިދުމަތް ދެވޭ ސެންޓަރެކެވެ. ކުޑަހުވަދޫގައި މިއަދު ހުޅުވުނު ޑަޔަލިސިސް ސެންޓަރާއެކު އަތޮޅުތެރޭގެ 11 ރަށެއްގައި މި ހިދުމަތް ދެމުންދާކަން ހެލްތުން ވަނީ ފާހަގަކޮށްފައެވެ.
ރާއްޖޭގައި ކިޑްނީ ބަލީގެ މީހުން އިތުރުވަމުންދާއިރު، ކޮންމެ އަތޮޅެއްގައި ޑަޔަލިސިސް ސެންޓަރުތައް ގާއިމްކުރުމަކީ ސަރުކާރުން ހާއްސަ އިސްކަމެއްދީގެން ކުރަމުން އަންނަ ކަމެއްކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
