ނިއުޒިލެންޑުގެ ގައުމީ ދުވަހުގެ ތަހުނިޔާ ރައީސް ފޮނުއްވައިފި
ނިއުޒިލެންޑުގެ ގައުމީ ދުވަހުގެ މުނާސަބަތުގައި، އެ ގައުމުގެ ގަވަނަރ ޖެނެރަލް ޑޭމް ސިންޑީ ކީރޯ އަށާއި، ބޮޑުވަޒީރު ކްރިސްޓޮފަރ ލަކްސޯންއަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަހުނިޔާ ފޮނުއްވައިފިއެވެ.
ތަހުނިޔާގެ މެސެޖުގައި ރައީސް ވަނީ ރާއްޖެއާއި ނިއުޒިލެންޑާއި ދެމެދު އޮތް ބަދަހި ގުޅުން ފާހަގަކުރައްވާ އެކި ދާއިރާތަކުން ގުޅުންތައް އިތުރަށް ހަރުދަނާ ކުރުމަށް ރާއްޖެއިން ސާބިތުކަމާއިއެކު ތިބިކަން ފާހަކުރައްވާފައެވެ. އަދި ނިއުޒިލެންޑުގެ ގައުމިއްޔަތު ބައްޓަންވެފައިވާ އެކުވެރިކަމާއި، އެއްބައިވަންތަކަމާއި، އިހްތިރާމް ކުރުމުގެ އަސާސަތަކުގެ މުހިންމުކަމަށް ރައީސް ވަނީ އަލި އަޅުއްވާލާފައެވެ.
މެސެޖްގައި ރައީސް ޑރ.މުއިއްޒު ވަނީ ނިއުޒިލެންޑުން 50 އަހަރު މެދުކެނޑުމެއް ނެތި ރާއްޖެއަށް ފޯރުކޮށްދެމުންދާ އެހީތެރިކަމަށް ޝުކުރު އަދާކުރައްވާފައެވެ.
ނިއުޒިލެންޑުގައި ކޮންމެ އަހަރެއްގެވެސް ފެބުރުއަރީ މަހުގެ 6 ވަނަ ދުވަސް ފާހަކުރަނީ އެ ގައުމުގެ ގައުމީ ދުވަހުގެ ގޮތުގައެވެ. މިއީ 'ޓްރީޓީ އޮފް ވައިޓަންގްއީ' ނަމަކަށް ކިޔާ އެގައުމުގެ ފައުންޑިންގ ޑޮކިއުމެންޓުގައި ސޮއިކުރެވުނު ދުވަސް ފާހަކުރުމުގެ ގޮތުންނެވެ.
Advertisement
This content is created and paid for by advertisers and does not involve Voice Journalists
