މާލެ ސިޓީ ގްރޫޕް އޮފް ހޮސްޕިޓަލްސްގެ ބެލުމުގެ ދަށުން ހިނގަމުން އަންނަ މޯލްޑިވިއަން ބްލަޑް ސާރވިސަސްގައި ތެލަސީމިއާއަށް ތަހްލީލު ހަދާ ޑީއެންއޭ ލެބޯރެޓަރީ ހުޅުވައިފި އެވެ.

މިއަދު އޮތް ހަލްފާއެއްގައި މި ލެބޯރެޓަރީ ހުޅުވައިދެއްވީ މިނިސްޓަރ އޮފް ހެލްތު އަބްދުالله ނާޒިމް އިބްރާހިމް އެވެ. ސަރުކާރުން ބުނި ގޮތުގައި މިއީ މިއީ ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅުތަކުގެ ތެރެއިން "ލޭގެ ބަލިތަކަށް ޚާއްސަ ކުރެވިގެން ވަށާ ޖެހޭ ފަރުވާގެ ނިޒާމެއް ގާއިމުކުރުން" މި ވަޢުދުފުޅާ ގުޅިފައިވާ މުހިންމު ހިދުމަތެކެވެ.

ތެލަސީމިއާއަށް ތަހްލީލު ހަދާ ޑީއެންއޭ ލެބޯރެޓަރީ ހުޅުވުން --

މާލެ ސިޓީ ގްރޫޕް އޮފް ހޮސްޕިޓަލްސްގެ ޗީފް އެކްޒެކެޓިވް އޮފިސަރ އިބްރާހިމް އަބްދުއްރައްޒާގު ހަލީމް ވިދާޅުވި ގޮތުގައި މި ލެބޯރެޓަރީން އާއިލީގޮތުން ވާރުތަކުރާ ލޭގެ މިއުޓޭޝަންސްގެ މުހިއްމު ބާވަތްތައް ރާއްޖޭގައި ތަހްލީލު ކުރެވި ނަތީޖާ ލިބިގެންދާނެ އެވެ. އަދި ޖުމްލަ 27 ބާވަތެއްގެ މިއުޓޭޝަންސް ދެނެގަނެވޭނޭ ކަން ފާހަގަ ކުރެއްވި އެވެ. 

މިއީ، ލޭގެ ފަރުވާ ހޯދާ މީހުންނަށް ވަރަށް މުހިއްމު ތަހުލީލު ތަކެއްކަމާއި، ރާއްޖޭގައި ފެންނަ ލޭގެ ބަލީގެ ބާވަތްތަކަށް ބަލައި، މިކަމަށް ހާއްސަ ކުރެވިފައިވާ ކިޓްތަކެއް ފަރުމާ ކުރެވިފައި ވަނީ ދިވެހީންނަށް ހާއްސަ މިންގަނޑުތަކަކަށް ރިއާޔަތް ކުރެވިގެންކަން ވެސް ހަލީމް ފާހަގަ ކުރެއްވި އެވެ. 

ތެލަސީމިއާއަށް ތަހްލީލު ހަދާ ޑީއެންއޭ ލެބޯރެޓަރީ ހުޅުވުން --

އަދި ލޭގެ މިއުޓޭޝަންތަކުގެ ތެރެއިން މީގެ ކުރީން ހަދަމުން އައި ތަހްލީލުތަކުން ދެނެނުގަނެވޭ މުޙިއްމު މިއުޓޭޝަންސްތައް ދެނެގަނެވޭނެ ކަމުގައި ވިދާޅުވި އެވެ. 

މިއީ ދައުލަތުގެ ބަޖެޓުން 2.5 މިލިއަން ރުފިޔާ ހަރަދުކޮށްގެން ގާއިމުކުރި ހިދުމަތެއްކަން ފާހަގަކޮށް ހަލީމް ވިދާޅުވީ މި ލިބެން ފެށުމުގެ ނަތީޖާއެއްގެ ގޮތުން، ޅައުމުރުގައި އަދި ކައިވެނިކުރުމުގެ ކުރީން ތެލަސީމިއާ ވާރުތަކުކުރާ ގޮތް ހުންނަ މީހުން ދެނެގަނެ ތެލަސީމިއާގެ ނިސްބަތް ކޮންޓްރޯލް ކުރުމަށް ފަސޭހަވާނެ އެވެ. އަދި ތެލަސީމިއާ ޕްރީނޭޓަލް ޑައިގްނޯސިސްގެ ޚިދުމަތް ފެށުމަށް ސަރުކާރުން ކުރަމުން އަންނަ މަސައްކަތުގެ ސަބަބުން ޖީލު ތަކަކަށް އެކަމުގެ ފައިދާ ލިބިގެންދާނެ އެވެ.

ތެލަސީމިއާއަށް ތަހްލީލު ހަދާ ޑީއެންއޭ ލެބޯރެޓަރީ ހުޅުވުން --

މީގެ ކުރީން މި ހިދުމަތް ދެމުން އައީ އަމިއްލަ ޖަމިއްޔާއެއް ކަމަށްވާ ޝީގެ ބެލުމގެ ދަށުން ޕްރައިވެޓް މެޑިކަލް ލެބޯރެޓަރީ އެއްގަ އެވެ. އެހެން ކަމުން މިއީ ސަރުކާރުން މި ހިދުމަތް ލިބޭނެ ގޮތް ހަމަޖެއްސި ފުރަތަމަ ފަހަރެވެ.

މިއީ، ޖޫން 25, 2025 ގައި މޯލްޑިވިއަން ބްލަޑް ސާރވިސަސް އަދި ތެލަސީމިއާ އެންޑް އަދަރ ހިމޮގްލޮބިނޯޕަތީސް ސެންޓަރު ހުޅުމާލޭގައި އިމާރާތް ކުރެވުނު އައު ޢިމާރާތަށް ބަދަލު ކުރެވުނު ފަހުން ފެށުނު ތިން ވަނަ ހިދުމަތެވެ. އޭގެ ތެރޭގައި ހިމެނެނީ، އެންޑޮކްރައިނޮލޮޖީ، އެތެރެ ހަށީގެ ބަލިތަކަށް ހާއްސަ، އަދި ހެމަޓޮލޮޖީ ކްލިނިކް ގާއިމުކުރުމާއި، އަދި ތެލަސީމިއާ ޕޭޝަންޓް ކެއާ ސެންޓަރުގެ ހިދުމަތެވެ.