މަލިކަކީ އަސްލު އިންޑިއާތަނެއް ކަަމަށް ދައްކަން ކުރެވޭ މަސައްކަތަކީ ބޮޑު އޮޅުވާލުމެއް ކަމަށާ އެއީ ދިވެހީންގެ ތަނެއް ކަމަށް ކުރީގެ ރައީސް އަބްދުالله ޔާމީން ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ ޕީއެންއެފްގެ އޮފީސް ޖަލްސާގައި ވާހަކަ ދައްކަވަމުންނެވެ. މަލިކަކީ ދިވެހީންގެ ތަނެއް ކަަމަށް ބައެއްް ދިވެހީން ބުނާ ކަމަށް އިންޑިއާގެ ނޫސްވެރީންގެ ބުނާތީ އެކަމަށް ޔާމީން ވަނީ ރައްދު ދެއްވާފަ އެވެ. ޔާމީން ވިދާޅުވީ އިންޑިއާ ނޫސްވެެރީން ވެސް ތާރީހް ނުބަލާ ކަމަށެވެ.

"އާއެކޭ ... މިލަކަކީ ދިވެހީންގެ ތަނެކޭ. މަލިކަކީ ދިވެހީންގެ ތަނެކޭ އިނގޭތޯ. ދިވެހިރާއްޖެ އެންމެ ފުރަތަމަ ކިޔަނީ މަލިކައްޑޫ އަތޮޅު. މަލިކުން ފެށިގެން އައްޑު އަތޮޅާ ހަމައަށް މިހުރީ ދިވެހިރާއްޖެ," އިންޑިއާގެ ނޫސްވެރީންނަށް ރައްދު ދެއްވާ ޔާމީން ވިދާޅުވި އެވެ.

ރައީސް ވިދާޅުވީ މަލިކަކީ ދިވެހިރާއްޖޭގެ ވެރިކަމުގެ ބާރު ހިނގި ތަނެއް ކަމަށެވެ. މިއަދުވެސް މަލިކު މީހުން ދިވެހި ބަހުން ވާހަކަ ދައްކަނީ އެހެން ވެގެން ކަަމަށް ވިދާޅުވި އެވެ.

މަލިކަކީ އޭރު ހިނގާދިޔަ ކަންތައްތަކެއްގެ ތެރޭގައި ނުވަވަނަ ހަސަން ރަސްގެފާނު ފޯޗްގީޒުންގެ ނުހުރުއްޕާނާ އުނދަގުލުން ސަލާމަތްވުމަށް ކުރި މަސައްކަތެއްގެ ތެރެއިން އަގެއްގެ ގޮތުގައި ނުވަތަ ބަދަލެއްގެ ގޮތުގައި އިންޑިއާއަށް ދީފައިވާ ތަނެއް ކަަމަށްވެސް ވިދާޅުވި އެވެ.

އެހެން ކަމުން އިންޑިއާގެ ނޫސްްވެރީންނަށް އޮޅިގެން އުޅުނަސް މަލިކުގެ އަސްލު އޮރިޖިން އަކީ ދިވެހީން ކަމުގައި ޔާމީން ވިދާޅުވި އެވެ.

"އިންޑިއާ މީހުންނަށްވެސް އެނގެން ވާނެ އެއީ އެ މީހުންގެ ނޭޓިވް ތަނެއް ނޫން އެޔަކީއެއް. ދިވެހީންގެ ތަނެއް,"

ޔާމީން ވިދާޅުވީ މަަލިކު ގެއްލުނީ ޕޯޗްގީޒުންގެ ސަަބަބުން ކަަމަށެވެ. އެހެން ކަމުން މިއަދު ކުރަންވީ ކަމަކީ އެކަމުގައި ކުރެވޭނެ އެއްވެސް ގޮތެއް އޮތްތޯ ބެލުން ކަމަށެވެ. އަދި އެ މީހުންގެ ފުށުން ލިބުނު ގެއްލުމަށް ބަދަލު ހޯދިދާނެ ގޮތްތަކެއް އޮތްތޯ ބެލިދާނެ ކަމުގައި ވިދާޅުވި އެވެ.

އެފަދަ މައްސަލަތައް ބަލާނެ ކޯޓްތަކާއި, އެކަންކަން ސާބިތުކުރެވޭނެ ލިޔުންތައް ވެސް އެބަހުރި ކަމަށް ޔާމީން ވިދާޅުވި އެވެ.

"އިންޑިއާ މީހުން ވެސް ގަބޫލުކޮށްގެން ނުވާނެ އެ މީހުންގެ ތަންތަނޭ [މަލިކު] މިއީ. އެއީ ރޯބުހުތާނު ވާހަކަ. އެ މީހުންވެސް އެ މީހުންގެ ތާރީހަށް ރުޖޫއަވާންވީ. ކަންކަން ހިނގާފައި ހުރި ގޮތްތައް ބަލައިލަންވީ," ޔާމީން ވިދާޅުވި އެވެ.