ބަރަކާތްތެރި ރަމަޟާން މަހުގެ ދުވަސްތަކާއި ރޭތައް ހެޔޮގޮތުގައި ވޭތުކުރުމަށް ބޭނުންވާ ފަރާތްތަކަށް އެހީތެރިކަން ފޯރުކޮށްދިނުމުގެ ގޮތުން، "އަލް ޢަސްރު" ޖަމިއްޔާގެ ފަރާތުން "ނަފްސު" ނަމުގައި ޚާއްޞަ އެޕްލިކޭޝަނެއް ރޯދަހަދިޔާގެ ގޮތުގައި މިއަދު ނެރެފިއެވެ.
މި އެޕްލިކޭޝަނަކީ ކޮންމެ މީހަކުވެސް އަމިއްލަ ނަފްސު ހިސާބުކޮށް، އަޅުކަންތަކަށް ސަމާލުކަންދިނުމަށް ބާރުއެޅުމުގެ މަޤްޞަދުގައި ތައްޔާރުކޮށްފައިވާ އެޕެކެވެ.
މި އެޕްލިކޭޝަން ފަރުމާކޮށްފައިވަނީ ނަމާދު ވަގުތުތަކާއި، ދުވަހުގެ އެކި ވަގުތުތަކުގައި ކިޔާނެ ޒިކުރުތަކުގެ އިތުރުން، ދީނީ ކަންކަމަށް ޝައުޤުވެރިކަން އިތުރުކުރުވުމަށްޓަކައި ތަފާތު "ޑެއިލީ ޗެލެންޖް" ތަކެއްވެސް ހިމަނައިގެންނެވެ.
އަލް ޢަސްރުން މަޢުލޫމާތު ދޭގޮތުގައި، މިހާރު ނެރެފައިވަނީ މި އެޕްލިކޭޝަންގެ ޕައިލެޓް ވާރޝަންއެކެވެ. އަދި މި އެޕަކީ ކުޑަކުދިންނާއި ބޮޑެތި މީހުންނަށްވެސް ފަސޭހައިން ބޭނުންކުރެވޭނެ ފަދަ ގޮތަކަށް ތައްޔާރުކުރަމުންދާ އެޕްލިކޭޝަނެއް ކަމަށް އެ ޖަމިއްޔާއިން ބުނެއެވެ.
މި އެޕްލިކޭޝަން އިތުރަށް ފުރިހަމަކުރުމަށްޓަކައި އާންމުންގެ ޚިޔާލާއި މަޝްވަރާއަށް އަލް ޢަސްރުން ވަނީ ހުޅުވާލާފައެވެ.
"ނަފްސު" އެޕްލިކޭޝަން ބޭނުންކުރުމަށާއި ޑައުންލޯޑް ކުރެއްވު nafs.asr.mv މި ލިންކް ބޭނުންކުރެއްވޭނެއެވެ.
Advertisement
This content is created and paid for by advertisers and does not involve Voice Journalists
