އެފްއޭއެމް އެކްސްކޯ މެންބަރު ނަސްރާ، ފީފާގެ އިޖުތިމާއީ ކޮމިޓީއަށް
ދުނިޔޭގެ ފުޓްބޯޅައިގެ މައި އިދާރާ، ފީފާގެ ފުޓްބޯލް ސޯޝަލް ރެސްޕޮންސިބިލިޓީ ކޮމިޓީގެ މެންބަރަކަށް، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ އެގްޒެކެޓިވް ކޮމިޓީގެ މެންބަރު ހައްވާ ނަސްރާ ސައީދު އައްޔަންކޮށްފިއެވެ.
އެފްއޭއެމް އިން މީސްމީޑިއާގައި ކުރި ޕޯސްޓެއްގައި ވަނީ މި ކާމިޔާބީ ފާހަގަކޮށް ނަސްރާއަށް މަރުހަބާ ކިޔާފައެވެ.
ނަސްރާ މި ކޮމިޓީގައި މަސައްކަތް ކުރެއްވުމަށް ހަމަޖެހިފައިވަނީ 2029 ވަނަ އަހަރުގެ ނިޔަލަށް، ހަތަރު އަހަރު ދުވަހުގެ މުއްދަތަށެވެ.
ފީފާގެ ފުޓްބޯލް ސޯޝަލް ރެސްޕޮންސިބިލިޓީ ކޮމިޓީއަކީ ފުޓްބޯޅަ މެދުވެރިކޮށް ދުނިޔޭގެ އެކި ކަންކޮޅުތަކުގައި އިޖުތިމާއީ ހެޔޮ ބަދަލުތައް ގެނައުމަށާއި، އިންސާނީ ހައްގުތަކާއި ތިމާވެށި ފަދަ މުހިންމު މައްސަލަތަކަށް ހޭލުންތެރިކަން އިތުރުކޮށް މަސައްކަތްކުރުމަށް އުފައްދާފައިވާ މުހިންމު ކޮމިޓީއެކެވެ.
އދ. މަހިބަދޫއަށް އުފަން ނަސްރާއަކީ ތައުލީމީ ދާއިރާއިން މާސްޓާސް ޑިގްރީ ހާސިލްކުރައްވައިގެން ހުންނެވި، ތަޖުރިބާކާރު ބޭފުޅެކެވެ. އޭނާ މިހާރު މަސައްކަތް ކުރައްވަމުން ގެންދަވަނީ މާލޭގެ ހިރިޔާ ސްކޫލުގައެވެ.
Advertisement
This content is created and paid for by advertisers and does not involve Voice Journalists
