ވަގުރުކު އެޅި މީހަކަށް އަދަބެއްގެ ގޮތުން 5 މަސްދުވަހު ޖަލަށް ލުމަށް ކުޅުދުއްފުށީ މެޖިސްޓްރޭޓް ކޯޓުން ނިޔާ އިއްވައިފިއެވެ.
ކުޅުދުއްފުށީ މެޖިސްތްރޭޓް ކޯޓުން މި ނިޔާ އިއްވާފައިވަނީ އިއްޔެ ކުރިއަށްދިޔަ ޝަރީއަތުގެ މަޖިލީހުގައެވެ. ކުޅުދުއްފުށީ ގެއެއްގެ ގޯތިތެރެއަށް މީހަކު ވަދެ ވަގުރުކު އެޅި މި މައްސަލަ ކޯޓަށް ހުށަހަޅާފައިވަނީ، މިދިޔަ އަހަރުގެ އޮކްޓޯބަރުމަހުގެ 18 ވަނަ ދުވަހުއެވެ.
މިކަމެއް ހިނގާފައިވާކަމަށް ގަޒިއްޔާގައި ބުނެފައިވަނީ، މިދިޔަ އަހަރުގެ އޮކްޓޫބަރު މަހުގެ 25 ވަނަ ދުވަހުގެ ރޭ އިރާކޮޅުގެ ވަގުތެއްގައެވެ.
މައްސަލާގައި ހިމެނޭ ވަގުކަލޭގެ ވަނީ އެ ރުކުން 26 ކުރުނބާ އަޅާފައެވެ. މި މައްސަލާގައި އޭނާގެ މައްޗަށް ވަނީ 2 ދައުވާއެއް އުފުލާފައެވެ. އެއީ އެނގިހުރެ ހުއްދަނޫން ތަނަކަށް ވަނުމުގެ ދައުވާ އާއި ވައްކަން ކުރުމުގެ ކުށުގެ ދައުވާއެވެ.
މި ދެ ދައުވާއަށް ވަގުކަލޭގެ އެއްބަސްވެފައިވާއިރު، އޭނާގެ މައްޗަށް އުފުލި އެނގިހުރެ ހުއްދަނޫން ތަނަކަށް ވަނުމުގެ މައްސަލާގައި ކޯޓުން ނިޔާ ކަނޑައަޅާފައިވަނީ، 1 މަހާއި 24 ދުވަހު ޖަލަށް ލުމަށެވެ. އަދި ވައްކަން ކުރުމުގެ ކުށުގެ ދައުވާގައި ނިޔާ އިއްވާފައިވަނީ، 3 މަހާއި 10 ދުވަހުގެ މުއްދަތަށް ޖަލަށް ލުމަށެވެ.
Advertisement
This content is created and paid for by advertisers and does not involve Voice Journalists
