މާލޭ ވެޓް މާކެޓް ކޮމްޕްލެކްސް ތަރައްގީކުރަން ކުންފުންޏަކާއި ހަވާލުކޮށްފި އެވެ.

މިއީ މަސްމާރުކޭޓާއި ތަރުކާރީ މާރުކޭޓް ހިމެނޭ އިމާރާތެވެ. މިހާރުގެ ދަތުރުވެރީންގެ މާރުކޭޓް ހުރި ބިމުގައި އަޅާ މި އިމާރާތަކީ ހަ ފަންގިފިލާގެ އިމާރާތެކެވެ. 

މާލޭ ވެޓް މާކެޓް ކޮމްޕްލެކްސް ނިމުމުން ހުންނާނެ ގޮތް --

މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ ގައި މިއަދު އޮތް ރަސްމިއްޔާތެއްގައި މި އިމާރާތް އެޅުމަށް ހަވާލުކޮށްފައިވަނީ ޓްރަސްޓެންގް މޯލްޑިވްސް ޕްރައިވެޓް ލިމިޓެޑާ އެވެ. އެ މިނިސްޓްރީން ބުނި ގޮތުގައި މި އިމާރާތުގެ ގްރަންޑް ފްލޯގައި މަސް މާރުކޭޓެއް ތަރައްގީ ކުރާނެ އެވެ. އަދި ދެވަނަ ފްލޯ އާއި ތިންވަަ ފްލޯގައި ތަރުކާރީ މާރުކޭޓެއް ތަރައްގީ ކުރާއިރު ހަތަރުވަނަ ފްލޯ ހާއްސަ ކުރާނީ ފުޑް ކޯޓްތަކަށެވެ.

މާލޭ ވެޓް މާކެޓް ކޮމްޕްލެކްސް ނިމުމުން ހުންނާނެ ގޮތް --

މި މަސައްކަތް އެ ކުންފުންޏާއި ހަވާލުކޮށްފައި ވަނީ 126,359,594.94 އަށެވެ. މި މަޝްރޫއު ކުރިއަށް އޮތް 600 ދުވަސް ތެރޭގައި ނިންމަން ޖެހެ އެވެ.

މިނިސްޓްރީން މިއަދު ވަނީ އިމާރާތުގެ ކުރެހުންތައް ވެސް އާންމުކޮށްފަ އެވެ.

މާލޭ ވެޓް މާކެޓް ކޮމްޕްލެކްސް ތަރައްގީކުރަން ހަވާލުކުރުން 

މިއަދު އޮތް ރަސްމިއްޔާތުގައި މި އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ މުޙައްމަދު ޝާމިލް އެވެ. އަދި ޓްރަސްޓެން މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ މެނޭޖިން ޑިރެކްޓަރު މުޙައްމަދު ޢަބްދުލް ހާދީ އެވެ.